幸福麵館

营业中

休息中

星期六，下午茶时间，大把位。经过见到呢间好抢眼嘅面档而且食评唔差就入去试吓。四𩠌车仔面：油面配冬菇、鱼腐、萝卜、猪软骨。首先油面系冇碱水味同埋几腍，好似浸咗喺汤一段时间咁发咗少少。我觉得油面要有少少碱水味先好食，份量好多但下次唔会再拣油面。其实啲𩠌嘅味道都唔错，最好食嘅𩠌系鱼腐，萝卜少少鲜甜，再腍啲会好啲，猪软骨腍嘅程度刚好。其实每种𩠌嘅量都好参差，冬菇得𠮶细细嘅两粒，萝卜就超级大嚿。煎酿三宝：我净系食咗茄子同埋红肠，茄子好食，真系有脆边，唔会太咸，但红肠就真系咸咗少少。其实整体都唔错，只系油面真系唔掂 。