貓頭鷹餐室

营业中

休息中

午饭时间，见新开就去试吓。由入门口一刻，个短头发侍应生（定系经理）指住我，好有威严咁叫我入去，已经打咗个突。坐低咗10分钟，个落单嘅QR code都未比我哋，已经开始怀疑系咪入错嚟！叫个黑松露薯条，无期望就无失望，薯条唔多，又炸㶶哂。主角嚟啦，意式蕃茄大虾意粉，盛惠$88！碟嘢嚟到，唔明点解可以咁肉酸，茶餐厅嘅干炒牛柳意粉都好过佢。意粉算多，碟入面有稀稀嘅茄膏水，茄味极假，一粒蕃茄粒都无，系一粒都无！大虾呢？系用雪藏虾，无味嘅，有4大只咁多，躲藏系一大Pat 意粉下面！冻柠茶，个茶反哂，混浊啲啰！总结经验，永无下次，睇吓下一次系边间接手租呢个舖。