貓頭鷹餐室

营业中

休息中

呢間餐廳食物質素真心差，專登post埋張單證明有幫襯過，試咗先至彈，唔係亂咁噏當秘笈。佢啲嘢賣相係靚嘅，好似呢個蔥花叉燒滑蛋蓋飯，睇落去以為好好食，其實除咗個滑蛋同埋白飯好食之外，佢嘅叉燒都真係幾差，又乾又硬。成餐飯最掂可能就係呢一杯朱古力咖啡同埋唔記得影相嘅港式奶茶。

午餐時經過呢間餐廳，見選擇幾多，於是就試下啦。等位等左三個字左右，唔算等得耐。餐牌食物選擇頗多，有意粉，飯，小食等等。英式全日早餐上枱唔算有驚喜，大路嘅材料，包括滑蛋，沙律，燒蕃茄等。其中煙肉，腸仔一般。丹麥包鬆脆軟鬆，非常唔錯。薯餅脆卜卜。牛漢堡腸仔滑蛋飯牛漢堡比較乾身，伴汁一起食還好。滑蛋份量足夠，整體味道唔錯。兒童餐兒童餐飲品揀左蘋果汁，味道偏甜。小雞塊和腸仔和粟米都係小朋友至愛，當然還有甜品啫喱糖，小朋友食得很開心。

首先食物正常既 主要想講呢間野既服務首先一入去 位置好迫 有機會同其他枱黐埋 同其他客人靠好近 自己拉開左少少 其中一個服務員行過尼一聲唔出即刻拉番埋 態度極差 之後叫左個鐵板餐 由於同隔籬枱客人太近原因 撞到鐵板導致隻手燙傷（之後留埋疤）呢間野完全冇理 我自己去問服務員有冇燙傷膏 淨係應左一句冇 叫我自己行上萬寧買 又冇幫手 冰都冇主動俾個唔係話自己完全冇問題 但係呢間野真係好差學我個fd話齋，喺香港食嘢唔死咪算好囉 仲想要咩服務P.S. 事後聽到呢間野喺區內個group因為其他事都幾出名下

今日同女女去D•Park 玩室內遊戲室🥰順便去荃灣愉景新城食早餐見到PlayHouse旁邊有一間「貓頭鷹餐室」有我鐘意食嘅All Day Breadfast🌞啱晒啦！叫一份同女女一齊Share💓💓☀️牛牛全日餐🐂(炒蛋，和牛漢堡，牛舌，牛柳，蕃茄，薯餅，沙律，粟米）份量都唔少嘅，味道亦都唔錯炒蛋好滑👍🏻和牛漢堡好好味！非常Juicy牛舌好易咬開，一啲都唔韌👍🏻見到就算下午茶時段，都有唔少客人相信呢間餐廳食物質素都唔錯💓📍貓頭鷹餐室 - 荃灣愉景新城

原本想試另一間出名嘅韓式親子餐廳但菜式不太適合三歲小朋友試左呢間平靚正忍唔住寫食評👍🏻👍🏻首先所有女侍應都好有禮貌👍🏻👍🏻企喺門外睇已經介紹餐牌😊見到有兒童餐仲有小朋友鍾意嘅意粉就決定呢間🥰叫左和牛意粉，兒童餐意粉，牛油果三文治3個羅宋湯，超大杯熱朱，全部加埋$200😱😱而且和牛意粉味道一流👍🏻👍🏻👍🏻其他都好好味吖👍🏻👍🏻非常好，推介必去👍🏻👍🏻

昨晚試完常餐的燒牛肉撈麵，急不及待第二日再次光顧晚餐：沙嗲燒牛肉撈公仔麵沙嗲醬香濃，配上碎粒花生鋪面，兩片厚厚的燒牛肉，牛味重；真材實料芝士煙肉忌廉濃湯烏冬烏冬煙靭、忌廉湯夠濃，配上煙肉好惹味，鹹咗少少，但都好味假日下午茶：朒叉太陽蛋菠蘿包腩肉叉燒甘香，配上太陽蛋及脆卜卜的菠蘿包，不得了熱香餅豬抑炒蛋包，熱香餅唔會淋晒，但比m記貴左d，都算ok好食

意料之外，喺而家荃灣愉景新城嘅商場底層，有好多嬰兒或小童玩具舖，例如玩具反斗城或者其他玩具舖，甚至乎連外邊的都是兒童遊樂設施，中間下邊又有好多攤位放置兒童玩耍，但想不到到這間小型的餐廳，竟然還有30多元的下午茶。店員端來之後，就發現和價格成正比，因為30幾蚊還包嘢飲，因此其實那些多士都只有一件切開，然之後塗滿牛油以及其他花生醬等等，因此份量不算太多。另外的菠蘿包，雖然牛油份量亦都偏多，牛油多得你覺得唔使食晒都得嘅份量。菠蘿包的外皮尚算香脆，中間的質地就好普通痛，不算特別實心，但又未至於空蕩蕩那種質感，脆皮的包總不難吃，也有大大件牛油。這兒的熱奶茶，比較像錫蘭茶那種味道，當然沒有傳統港式茶餐廳咁樣，不過佢有種錫蘭茶嘅方向，都算是不錯的。坐落於玩具反斗城旁邊，員工服務還算殷勤，寧靜，收費又不昂貴，絕對是小朋友玩耍得肚餓吃少少東西的好地方。

經過此商場，發現有一間新開我餐室，早餐的餐牌都幾吸引！雖然都是個一類早餐，但「沙嗲牛肉麵」的照片相當吸引！於是乎，便決定試一試這間餐室的早餐。我是因為「沙嗲牛肉麵」的賣相而吸引，理所當然，便是點這個。 不過，剛才都有掙扎少少，要唔要改「餐蛋出前一丁」，可是見到隔籬枱都係食緊沙嗲牛肉麵，所以都照舊吧！唯有等下次先試吓餐蛋麵。一上台，濃烈的沙嗲味道撲鼻而來，很香！很是吸引🤩！食第一口時，湯汁都似預期，濃郁，滿有花生🥜香味，（因為有花生碎粒）。不錯！再飲一口湯，都算好味😋！牛肉方面，食得出沒有外面大型連鎖餐廳「拿」過的牛肉味。這裡的牛肉算新鮮，幾好👍🏻！至於面底，正常，不過偏軟少少🤏。如果再硬身少少口感會更好！整體都是好食。會再次幫襯😜

D park做緊泊車位優惠，咁啱舅父有，所以成日過黎，哥哥就好想黎呢間到食食物黑松露醬配薯條🍟呢個醬好食嘅！薯條都好脆嘅～不過啲薯條好碎…大部分都係半節手指咁長咖哩雞扒飯呢個咖哩係辣嘅…雞扒皮就好脆嘅！如果食得辣，呢個都係唔錯嘅選擇沙嗲牛肉麵茶餐廳風味，最安全嘅餐，好香濃嘅沙嗲味滑蛋多士跟餐滑蛋不錯煙三文魚明太子意粉呢個好食，好creamy，性價比高兒童餐 - 肉醬意粉最cap水嘅兒童餐…個肉醬意粉🤧唔知係咪同明太子個個差得太遠，所以…細佬也不吃🙂‍↔️婆婆也不吃🙂‍↔️哥哥話似佢學校午餐其實同一時間order,呢個餐係最後到，基本上都係食完先到，如果早一步cancel，就可以唔洗浪費食物。細佬其實食完我哋啲餐鐵板餐其他呢度個價錢相對不是太貴，我哋去嘅呢日紅雨，所以坐位又full，未執得切，先安排你位置，冇人敢坐，因為啲櫈濕晒…呢間係可以再試，但絕對唔會再佢細佬叫兒童餐，嗌完又唔食

肚餓時行愉景新城天橋見到廣告就過嚟試吓。到餐廳有位，坐低好快俾咗QR Code我自己落單。餐廳環境一般，簡單裝修。點咗一個無敵三叉飯($78)+港式奶茶(+$3凍飲再+$3)，Total $84。午餐來說價錢中等偏高。叉燒飯蔥油偏酸，飯有點乾身。煮蛋上面仲有蛋殼，水準偏低。港式凍奶茶就正常發揮，不過勝在大杯。服務員服務態度尚可，有禮貌。可能其他食物質素會比叉燒飯還好，不過今次就無機會試了。如果萬一仲有機會嘅話就試下會唔會其他菜式會好食啲吧。

上次lunch 試過沙爹牛肉麵已經覺得有水準，牛肉有咬口，沙爹夠香濃👍🏻今晚試吓個鐵板牛柳，成寸半厚，煎到5成上板，熱住慢慢食到7成熟，仲好軟！伴個豉油汁配炒飯，估唔到好夾😋 炒磨菇配栗米做伴菜，百鬆啲蚊，十分高性價比👍🏻 我個人可以食淡啲，所以下次要求汁另上就100分！Order 咗個三色飯比仔，豚肉义加牛叉燒，配埋兩只半熟太陽蛋，大大份，老公非常樂意包底啦。 佢掛住食，唔記得影相添。 愉景又多間飯堂啦，開心🥳

午飯時間，見新開就去試吓。由入門口一刻，個短頭髮侍應生（定係經理）指住我，好有威嚴咁叫我入去，已經打咗個突。坐低咗10分鐘，個落單嘅QR code都未比我哋，已經開始懷疑係咪入錯嚟！叫個黑松露薯條，無期望就無失望，薯條唔多，又炸燶哂。主角嚟啦，意式蕃茄大蝦意粉，盛惠$88！碟嘢嚟到，唔明點解可以咁肉酸，茶餐廳嘅乾炒牛柳意粉都好過佢。意粉算多，碟入面有稀稀嘅茄膏水，茄味極假，一粒蕃茄粒都無，係一粒都無！大蝦呢？係用雪藏蝦，無味嘅，有4大隻咁多，躲藏係一大Pat 意粉下面！凍檸茶，個茶反哂，混濁啲囉！總結經驗，永無下次，睇吓下一次係邊間接手租呢個舖。

諗住去食牛扒早餐，點知去到話而家係以cafe形式去經營，冇咗自選all day breakfast ，點知見到個Menu 有啲失望，感覺同坊間集團貴價茶餐廳極道相似。我點咗個一隻龍蝦早餐，啲煙三文、腸仔、炒蛋嗰啲還可以，以前係粟米粒，而家係半條粟米，粟米冇粟米味同超甜，龍蝦有啲咸，呢個set跟以前元朗或九龍城差得遠。熱飲點玫瑰latte ，唔落糖都覺得甜。同行者點咗沙嗲牛肉撈公仔麵，公仔麵上枱係暖，我地坐位又近風口位，所以啲野食好快吹凍，飲品朱古力香蕉，同菜單張相有出入，但味道還可以。

路過愉景新城，發現有好多隻貓頭鷹～原來新開左間冰室😯環境唔算大但感覺幾chill就入去試下～職員有熱情有禮貌👍🏻👍🏻👍🏻餐牌走西餐風格，價錢都合理～就直接試佢個招牌沙嗲牛肉麵🤓一黎到有d surprise賣相超靚😳😳竟然同佢menu相一樣😯😯個焦糖棒棒多士超口食好似甜品🤭🤭炒蛋有水準👍🏻～個沙嗲牛真係好濃😳😳d花生粒好有口感～不過食耐左有少少辣，因為真係好入味👍🏻