大家食

营业中

休息中

今日早收工，又走到深水埗揾食，见6点钟无乜人食，又唔使等枱及搭枱，早早地食个面先，最多夜晚再食宵夜！见人介绍茄蛋牛肉好食，我们二人就点了一碗茄蛋牛肉手搅面、一碗原味萝卜手搅面、麻辣鸡丝、一杯冻柠茶。麻辣鸡丝：冻食，好惹味，辣辣地，越食越想食，停唔到口。茄蛋牛肉手搅面：碗面好热，番茄好甜，好有茄香味，牛肉好好食，好香口，不过得两三件，少左D，个面表面似米线，但不同之处是好弹牙，好好食，果然值得一试再试！👍原味萝卜手搅面：好普通，没有特别，萝卜都唔算甜，不过见个汤底有肉碎及少少虾米，未至于全味精汤。冻柠茶：茶味唔错。可能夜晚去食，没有中午时间有好多职员帮手，平时中午食，落单后好快就有面，夜晚又慢又漏单，有个男人等左好耐都未黎野食，饮了少少豆浆，嬲嬲地就走了，又无比钱，职员无奈大叫都追唔到，最后cut了单，个男人真有型👍我地都等了15分钟，不断追单才有野食，希望大家食要有改善。