花斑茶社 (Smithfield Walk) (已結業)

我唔系一个成日写食评嘅人，每次只有非常好味而服务又好嘅食店，先值得我花时间去表扬。花斑茶社嘅黑糖珍珠乌龙奶茶，系我觉得全香港最好饮嘅珍珠奶茶，回想起第一次同妈咪一齐初尝花斑茶社，饮第一啖，我哋两个即刻瞪大眼叫出嚟：「好浓茶味呀！」黑糖珍珠乌龙奶茶嘅乌龙茶底非常清香，而且珍珠烟韧得嚟一咬即断，唔会好似胶咁咬好耐先断，所以肯定消化得到，最重要系难得少有可以走冰嘅茶店，d 冰唔会沟淡晒杯奶茶，啱晒重口味又钟意饮茶嘅我，简直系 Perfect！试过一次就会爱不释手，觉得香港其他我试过嘅珍珠奶茶都系冇乜茶味…每次再去花斑茶社，我都冇再试过其他饮品，因为忍唔住必饮黑糖珍珠乌龙奶茶！今朝喺西环睇完医生，就买几杯返公司比同事试吓，坐喺我隔离嘅同事每饮一啖就讲一次：「好味！」、「d 茶有回甘㗎！」，另一个坐得远嘅同事就 Whatsapp 我讲咗几次好欣赏 d 茶味。美中不足系花斑茶社好少分店，唔系咁易买到，我又唔系成日会去西环，所以每次都要隔好耐先饮到一次，真系好吊瘾！！！另外，有几次放工特登由鲗鱼涌去西环买饮品再转车返屋企，但去到都话黑糖珍珠卖晒，要等45分钟先有…希望呢一点可以改善吓，我明白店员想保