汴京茶寮 (雲咸街)

营业中

休息中

好少上黎云咸街，做完嘢见到呢度几靓，有啲日式晚餐定食，所以就入嚟坐低试吓。一入到黎见到个甜品柜，甜品都几精致。食物选择以轻食为主，相信系因为呢度主要系饮茶。我哋叫咗一个受喜烧黄牛饭定食，价钱一啲都唔贵，所以好期待。可惜一上到台，卖相都几唔讨好，见到啲牛肉都几干，塞方埋入口，系淡而无味，唔知佢用乜嘢寿喜烧汁。想加番啲七味粉令佢好食啲，点知原来呢度七味粉都冇，最终佢另外比多左一啲寿喜烧汁我哋，咁样就好少少。至于我叫嘅冷抹茶荞麦面套餐，简直系伏到一个点。个餐系有荞麦面+一旧厚烧玉子，个荞麦面汁系完全冇味，我好似净系食紧一个烚熟咗嘅面🤦🏻‍♂️救命我见有咁多好评，可能因为佢啲茶真系好得，但系食物真系唔系佢哋强项。