影片
更多
2019-02-18
2564 浏览
数年前帮衬过上环嘅「饮茶」，因为体验麻麻，一直都无再帮衬。最近，约咗细佬妹、老婆食团年饭，所以，打算揾啲特别嘢俾佢哋试，故此，就拣咗旺角朗豪坊嘅「饮茶」，地点较方便到大家，菜式有啲卖点，无咁传统。餐厅虽然黐住隔离美食广场，但唔会受影响而好嘈杂。店内空间算得上宽敞，皆因楼底较高，装潢摩登，走年轻、型格路线。墙上趣怪嘅彩绘，以及周围都摆放店家招牌点心嘅大毛公仔，都令到环境更添活力。此外，餐具亦喺佢哋别出心裁嘅摆设之一，碗底瓷雕咗一条小鱼，衬晌湖水蓝嘅餐碗内，甚有栩栩如生嘅感觉。菜式就唔多讲喇，拎咗张点菜纸，扫描后贴出嚟，一眼睇晒有咩选择，查实菜式种类都非常多选择。顺提一提，茶芥每位收$12，另设加一服务费！有过上次经验，今次醒喇，分开点菜，唔会一次过嗌晒冷盘、点心、菜蔬、主食……等等。另外，时近过年，多咗个「猪头」捞起，意头价$388，可4-6位用，不过就无写供应期去到几时啫。沙姜葱鸡 $69（散点价）冷盘前菜有「拼盘」组合（$119），A组选2客，B组选一客（例牌份量），比散点悭咗$48。B组我哋拣个「沙姜葱鸡」，上次都有点，喺传统嘅样，但今次嘅做法唔同晒，喺以鸡卷形式做成，就好似日式嘅
餐厅虽然黐住隔离美食广场，但唔会受影响而好嘈杂。店内空间算得上宽敞，皆因楼底较高，装潢摩登，走年轻、型格路线。墙上趣怪嘅彩绘，以及周围都摆放店家招牌点心嘅大毛公仔，都令到环境更添活力。
此外，餐具亦喺佢哋别出心裁嘅摆设之一，碗底瓷雕咗一条小鱼，衬晌湖水蓝嘅餐碗内，甚有栩栩如生嘅感觉。
菜式就唔多讲喇，拎咗张点菜纸，扫描后贴出嚟，一眼睇晒有咩选择，查实菜式种类都非常多选择。顺提一提，茶芥每位收$12，另设加一服务费！有过上次经验，今次醒喇，分开点菜，唔会一次过嗌晒冷盘、点心、菜蔬、主食……等等。
另外，时近过年，多咗个「猪头」捞起，意头价$388，可4-6位用，不过就无写供应期去到几时啫。
沙姜葱鸡 $69（散点价）冷盘前菜有「拼盘」组合（$119），A组选2客，B组选一客（例牌份量），比散点悭咗$48。B组我哋拣个「沙姜葱鸡」，上次都有点，喺传统嘅样，但今次嘅做法唔同晒，喺以鸡卷形式做成，就好似日式嘅叉烧咁，初时都以为嚟错，都有问清楚先架。啲鸡肉都几滑，不过，真喺无乜沙姜味，只喺得啲蒜味而已。
皮蛋豆腐 $49（散点价）呢道菜尽显刀功，啲豆腐厚薄均一，更排列得工整，食手工都抵啦。中间放咗啲皮蛋碎、葱花、红椒粒，淋上胡麻酱，极体味道唔错，不过，嫌啲皮蛋裁得太细碎，缺少皮蛋应有嘅口感。
七彩茄子 $49本来想点「橙棍冬瓜」，但我哋已经喺7点嚟，都话卖晒，退而求其次拣咗「七彩茄子」。唔知「七彩」意义何在，唔通喺好食到七彩？只属一道平稳嘅冷盘凉拌茄子而已，食味普通，还好嘅喺茄子嘅软腍度啱啱好。
睇住流奶 $49本来打算叫多几款特色点心，但唔喺卖晒，有啲就喺5:00pm前供应，最后，啱食又有货嘅就只得招牌嘅「睇住流奶」。个包仍然保持到水准，造型有趣，包身软熟唔黏牙，流沙奶皇馅够多够浓郁，不愧为店中招牌点心。
睇住流奶
$49
45 浏览
0 赞好
0 留言
干妈萝卜 $59睇个名都应该估佢喺「老干妈」辣酱炒萝卜糕，啲萝卜糕裁得较大粒，同埋先煎过再炒，既有口感又香口，不过，老老实实，真喺唔点辣，所以，啱我呢啲唔多食得辣嘅人，但食得辣嘅就嫌佢无刺激感啫。
龙须芥兰 $89一餐饭点都要搭个菜架嘞，「龙须芥兰」够霸气，其实，只不过喺蒜蓉炒芥兰，但就将芥兰切成齿状，有点龙须嘅感觉，食味都OK嘅，爽爽哋又唔会一口渣。
辣蚁粉丝 $79其实就等同沪菜嘅「蚂蚁上树」，都喺肉碎洒上粉丝度，辣辣哋，入口颇为惹味。欣赏佢粉丝唔会炒到黐埋一嚿，喺有啲油腻啫。
恐龙排骨 $99个名够劲，所以，点咗一客嚟试吓咩料，其实喺酥炸揾虾酱腌成嘅肋排，大大件肋排，令人食得过瘾，虾酱又会令味道份外滋味，不过，小弟都算食得咸吓，都觉得劲偏咸，就算唧埋啲青柠汁，都喺咸啫。
安格牛河 $119本来晌主餐牌见到有款安格斯牛柳粒炒饭，正确菜名就唔记得喺乜，但店员无晒，反而建议我哋拣点菜纸中嘅「安格牛河」，算啦，细佬话牛河都OK。平心而论，个牛河真喺炒得唔错，唔算油，而且，啲牛肉软腍富肉香，不过，卖到百几蚊却喺份量唔太多。
甜品一环，一来款式唔多啱细佬妹口味，二来相对唔平，不如过隔离「满记」食仲划算。对比起同类嘅餐厅「唐宫小聚」，因为几个月前先去过，较好比较，觉得「唐」都喺称心啲，「饮茶」仍有好多不足嘅地方。
张贴
