京林屋 (明宮閣) (已結業)

自己不嬲都钟意食抺茶甜品，咁岩朋友介绍左黎太古出名食抺茶野既京林屋试下，除左甜食外，呢到仲有热食，最岩夜晚黎食啦！由于我地7点就到左，唔洗排队就有得入啦，食食下就好多人，好彩早黎咋！饮品方面，由于成日食抹茶甜品，今次我地叫左焙茶牛奶同焙茶雪糕沙冰，系其他甜品店较少见到，焙茶经过焙煎后没有了抹茶的苦涩味，入口浓浓茶香，一试就爱上！主食方面，我地叫左林屋和食料理食物及摆碟简单而精致，有鱿鱼沙律、鲭鱼、卷物、蛋及渍物，每款都可品尝一点，味道浓淡适中，配有带点茶味的饭，份量刚刚好。京式鳗鱼饭鳗鱼肥美而且份量好足，有整整一条鳗鱼份量，食落淡淡似，配有独特的鳗鱼汁，味道香浓食完主食，当然要叫甜品啦，呢个系竹炭蛋卷配雪糕及丸子，蛋糕松软芳香，配有淡淡竹炭味，不会太甜，感觉很清新抹茶芝士蛋糕配抹茶雪糕最期待嘅抹茶甜品，芝士蛋糕味道香浓，又不会盖过抹茶味，配上丸子、红豆和抹茶雪糕，整个配搭很好！食完呢餐真系好满足呀，又多了一间甜品店的选择！