茶木‧台式休閒餐廳 (青衣城1)

营业中

休息中

茶本分店众多，卒之等到开到黎青衣城啦！大排长龙是应该的，为了避其锋芒，忍到今日先至来试，结果只花15分钟就顺利入闸。慢煮梅子猪手（$61）梅子酸味能化解猪手肥腻，猪手偏爽有𡁻头，用一点烛光慢慢㷫住佢，是为慢煮也！有姿势冇实际。香煎莎朗肉燥饭（$70）肉燥饭间间台式餐厅都有得食，但好唔好味又系另一回事。茶木的肉燥饭，真系无论哪个与你作比较都相当渺小，配合埋香煎莎朗，真系冇得顶呀！烟熏鲑鱼沙拉（$68）鲑鱼即三文鱼也，沙拉即沙律也，大大块烟三文鱼配沙律菜，好清新好Fresh也！草莓香草蜜糖砖块（$83）最后又点少得食埋茶木嘅人气厚多士，脆脆多士叫佢做砖块一点也不跨张，加上甜蜜的蜂糖，再加球士多啤梨雪糕，用脆多士点黎食，真系多重享受。