茶木‧台式休閒餐廳 (屯門市廣場1期)

营业中

休息中

肥鸡一直都几欣赏茶木，因为佢嘅menu唔会闷，每季都会出当季当造嘅食品，令到食客可以尝鲜。位于屯门市广场嘅茶木，肥鸡又真系第一次试，今次试咗佢嘅古早红烧牛肉拌面，汤面就食得多， 佢嘅红烧牛肉汤底永远都系肥鸡头三甲之一，反而拌面就几得意肥鸡第一次试。佢嘅牛肉唔使讲卤得非常之入味同埋淋，入口即化，但系佢嘅拌面嘅调味今次多咗麻嘅感觉，应该有落到花椒油，所以食落去好香口。至于佢个墨汁花枝奶油意大利粉 ，佢嘅墨鱼汁非常之咸香，配埋q弹嘅花枝，唔错。甜品嗌咗佢新出嘅青苹果牛油果蜜糖砖，一如以往，多士烤得非常之香脆 ，配上甜甜嘅青苹果忌廉同埋牛油果嘅油香，系一个几有趣嘅尝试。至于佢嘅脆脆黑糖瀑布珍珠奶茶，上面配埋烟韧嘅丸子，但系杯嘢又唔系好甜， 肥鸡几钟意。