茶木‧台式休閒餐廳 (Citylink)

营业中

休息中

排咗 5－10 分钟左右，轮候到我哋嘅时候店员都有贴心提醒番窗边座位有啲晒，问返我哋介唔介意。纯粹想食个 quick lunch，每人点咗一个主食加饮品，未有时间食埋个甜品。柠檬柳丁梳打个杯系几靓嘅 “Feel Teawood, Feel Natural”，味道就毫无特别。热带果茶 用作红茶底，另外材料好丰富，有西瓜、火龙果、柠檬、柳丁等等，而且仲好大壶，早知叫一壶两份分算啦。红烧牛肉新竹米粉 通常食红烧牛肉面，今次试下转新竹米粉，米粉较容易吸收汤底嘅精华，又几好㖞～ 红烧牛肉依然软淋淋，烹调得非常入味。蚵嗲肉碎泡饭本身太钟意食蚵仔煎，所以友人特登点咗呢个蚵嗲肉碎泡饭俾我试下。起初感觉泡饭同小食蚵仔煎相差太远，同埋好似食粥咁，以为会唔钟意。上菜时店员奉上胡椒粉俾客人自行调味，蚵仔只只肥美饱满而且数量多，几乎一啖一只，反而食落几吸引。