林仔茶檔 (已結業)

今晚虽然食茶记，但食既米芝莲虾球好有睇头。餐厅地方宽敞，灯光光猛，感觉好新净。虽然系茶记，但晚上供应大量小菜，入嚟食晚饭大把野拣。米芝莲二弄大虾球 $108茶记都食到米芝莲菜式，价钱相当贴地。咸蛋黄口味同千岛酱口味的大虾球，一虾两食，外脆内嫩，咸甜滋味同时拥有。上汤鸡包翅捞饭 $96鱼翅捞饭未必人人食得起，要贴地价食到，呢度做得到。咁既价钱话比上等靓翅你都唔会信，但味道绝对收货，平民版鱼翅捞饭绝对有特色。上汤菜胆云吞鸡配米线 $89一大个砂锅云吞鸡热辣辣上枱，鸡件同云吞都好足，配埋米线，性价比一流。黄金鲜鱿 $108咸蛋酱劲惹味，加埋爽脆口感令人食唔停口。瑞士汁干炒牛河 $66牛河炒得有获气，瑞士汁没死咸，牛肉爽嫩，出品有水准。系茶记又点少得饮番杯咸柠七。