茶泰 (荃新天地2)

营业中

休息中

今日晏昼去荃湾，友人提议去食泰国野，拣左呢间坐落系荃新天地二期望落都几chill 既茶餐厅。入口右边放满泰式饮品零食，好似图书馆咁，不过架上唔系图书，而系泰式食品，几特别！餐厅内装修别致，好舒服，位与位之间阔落，最啱同朋友食饭吹水。我们一行四人，叫左两个冬荫汤河，一个蚝仔煎蛋饭，一个香茅猪扒蛋饭。冬荫汤河味浓但又不太辣，有少少酸，酸得来好开胃，唔错。蚝仔煎蛋饭有惊喜，有蚝味，同蛋混合一齐食，一绝，值得推荐。香茅猪扒蛋饭，猪扒煎得啱啱好，鸡蛋大份得来又唔会老，唯一要弹既系酱汁比较多一点，不过对于我这个喜欢有汁捞饭既人，就冇乜问题。虽然话系食饭时间，但侍应都冇话催促我们埋单，所以都食得几自在，包埋野饮人均$69，唔贵，有时间有机会可以再帮衬。