茶泰 (荃新天地2)

营业中

休息中

因為阿仔對呢間餐廳冇乜興趣，今天趁阿仔唔同我哋食午餐，於是再前來試試。這餐廳平日有很多款色的午市套餐，包括炒金邊粉、焗飯、船麵、石頭鍋飯等等，今天我們叫了：🌼 泰式金不換炒金邊粉味道就一般般，蝦有三隻，都彈牙，金邊粉炒得未夠均勻🌼 泰式烤豬肉溫泉蛋石鍋飯除了幾塊烤豬肉外，石鍋飯鋪滿配菜：白蘿蔔粒、紅蘿蔔粒、蔥花、生芽菜、炸豬皮，都算豐富；醬料有兩款，一款是帶甜的洋蔥豉油、另一款是帶辣的青辣汁，兩者都好開胃，可惜所有配菜包括豬肉都是冷冷的，或微暖，石頭鍋可以再熱啲，飯只是暖暖，送到來時已沒有發出應有的‘痴痴’聲了，溫泉蛋更是熟蛋😑難怪阿仔唔鍾意同我哋嚟依間食啦！

見到商場有泰菜，不然想食就入咗嚟，然後先知原來係冇檸檬檸檬茶集團，結果真係名不虛傳，劣食。鮮蝦冬陰功湯河：只有五隻蝦芽菜同河粉，其他乜嘢配料都冇嘅冬陰功，元素周期表嘅橙色，呢個價錢妄想有冬陰功係我錯水門雞配雞油香飯：唔知係咪預製飯，雞油係撈唔勻嘅，飯爛。啲雞太少唔記得影，佢話有¼隻就一定唔係。冇檸檬嘅檸檬茶咁伏梗係唔飲啦，唯一可取嘅係呢度有茶走啡走鴛走揀只怪自己冇睇清楚就入咗嚟，返去要背熟呢個集團嘅餐廳名！

‼️整體用餐體驗好一般 完全有待改善‼️（方便容易理解 我將餐廳分ABC區）4大1小入座時店員示意C區唔開只坐A B區（店員個態度已經比人感覺唔想接客咁）下午茶時段人少餐廳無開晒全場我理解下一秒有客入 店員就安排去坐C區🙂OK FINE!!!😤因有小朋友 所以想要個碗仔店員上完菜 我隨即講「唔該我想要個碗仔唔該」 佢秒變面比個碗我嘅時候 黑住面好似發脾氣咁大力放係枱因有小朋友在場 我都禮貌咁講咗聲唔該其實如果要我自己去攞碗嘅話可以話聲我聽要我自己攞係無問題嘅而唔係用啲咁嘅態度表現出黎😀 食物質素真心唔得😄༯ 輕量水門雞 雞油香飯配碗仔翅 $𝟒𝟑成個下午茶餐比較滿意係個水門雞雞肉確係嫩滑有雞香但份量少好似求其夾幾件儲夠數就上枱配碗仔翅幾特別 料同味唔太差但唔熱༯ 菠蘿椰子特飲 +$𝟖見到都唔想飲 同張圖差咁遠菠蘿蓉少味淡 椰子味有但飲落似溝咗水叫少甜少冰唔知少咗去邊༯ 椒鹽炸豬皮 +$𝟏𝟐係幾大舊 感覺份量不少的唔會太油但零椒鹽味又無醬汁好似乾啃咁 最後偷咗屋企人個茄汁點🤪◡̈ 以上食評乃個人意見僅供參考 ◡̈ 價錢僅供參考一切以餐廳為準

茶泰 (荃新天地2)，位於荃灣楊屋道18號荃新天地2 UG樓UG81號舖。 上次食過新都會廣場分店，價錢合理。 下午茶 ～輕量水門雞雞油香飯配碗仔翅$43， 泰式煎餅拼椰子雪糕$34， 爆珠鳳梨柳橙梔子花茶$8、 草莓乳酸梳打$8。 ▪️輕量水門雞雞油香飯配碗仔翅 ～ 荃新天地分店的份量不及新都會多， 味道正常發揮。   ▪️泰式煎餅拼椰子雪糕 ～ 煎餅熱辣辣，香脆椰子雪糕香濃甜美。 ▪️爆珠鳳梨柳橙梔子花茶 ～ 味道偏甜， 茶味唔算出。 ▪️草莓乳酸梳打 ～ 草莓乳酸清爽， 梳打解渴。 整體價錢合理，食物質素中等。 🏷️溫馨提示～ 整個用餐體驗均屬個人分享意見， 只作參考😊。

話說今日去食飯，我叫左個「泰式燒肉餅拼魚肉春卷摻摻」。佢比左三塊燒肉我，我自己就唔中意食燒肉嘅。見佢係「肉餅」我先嗌。好啦，諗住揾個店員問：係咪比錯咗我？點知佢哋態度好差，又九唔搭八咁。佢哋話：我哋係咁出架，係燒肉加魚肉春卷。我話：咁你哋又寫燒肉餅？肉餅呢？佢話：咪燒肉囉，我哋係咁出架啦！我抝曬頭，你哋寫燒肉餅，又唔係肉餅，係燒肉？如果係燒肉我唔會叫啦，欺騙消費者。我見同佢哋講唔通，都廢事再拗，嗱嗱臨食完走。究竟係我理解有問題定咩？燒肉餅唔係應該係肉餅咩？定泰式肉餅係唔同啲？我真係唔識。貼上嚟比大家望下果3塊「燒肉餅」

去荃新天地行街街順便食lunch，嚟咗呢間門口有好多泰國食品賣嘅泰國餐廳😎海南雞配船河 ⭐️⭐️⭐️⭐️Lunch set 好多選擇，最後我揀咗海南雞配船河，簡直係一個set滿足晒2個願望❣️海南雞份量都幾足，配埋泰式青汁辣辣地好好味！船河大大碗，湯底濃郁清甜，河粉滑溜，建議加啲泰國炸豬皮就更加分啦👍🏻香葉肉碎飯 ⭐️⭐️⭐️⭐️呢個飯等咗好耐，碗河粉食咗一半都未到😳 我一直都好鍾意食香葉肉碎飯，呢個飯肉碎好多，上面加咗少少豬肉鬆，配埋一隻完美煎蛋，整體真係唔錯，如果可以再辣啲就更好🤭

食物一般 有些甚至不知道是甚麼味道 所以不敢全部進食 預約領取的時間也不準 因為需要時間回荃灣取 所以打一小時後 結果很快便出了 問店員 他假裝看不到聽不見我 難怪那麼多人說在香港消費受罪 要回大陸去

港式泰菜輕食,淺嚐即止,份量少,價格有平有貴,服務好壞參半,一嗒沙糖一嗒屎,成熟店長有禮,可後生仔店員晦氣！最差還算將軍澳分店,勝在食閒雅裝修？！值嗎？！-荃灣 茶泰門面派場氣勢有睇頭,外面零售泰式零食即食飲品猶如小型便利店,裏面洋溢現代閒雅舒適.都唔係第一次係呢個集團旗下其他分店掃極掃唔到二維碼下單,要企係到才掃到,有次火滾就離開了！掃了5分鐘終於掃到,可是沒有泰式紅,黃咖哩？只有泰式青咖哩雞飯$68唯有點了+$8就有椰奶芒芒,再加$23酥油餅都幾貴？！可是當上菜時見到只係一兜嘢賣相欠佳,搵嚟搵去見唔到有雞😬？只有大量茄子薯仔,也唔見泰式香料？幾乎誤以為上錯素咖喱？🤔然後才發現細細雞柳🥴只有幾嚿？！感覺得似港式多啲,曾經在將軍澳分店也吃過只有幾條雞絲只有手指尾咁濶的泰式水門雞飯,原來間間都係得咁小.？！再上$23酥油餅只得3小塊？！我平時超市賣開急凍自己煎$23都有7,8大圓塊🤨啦！但擺碟也有心思好似飛碟和煎得幾酥香甘脆無燶😋沾上幽幽回甘清香微辣青咖哩醬汁帶點椰香幼滑也很滋味😋$8椰奶芒芒都幾幼滑椰子味就是太多冰搵極搵唔到芒芒？？🤣🥭只得小小椰果凍勝在食閒雅裝修？！值嗎⚖️？！-荃灣

1. 泰式香葉肉碎:這道泰式香葉肉碎實在是太美味了!香氣四溢的香葉與鮮嫩多汁的肉碎,簡直是絕配。每一口都能感受到那濃郁的泰式風味,回甘持久。配菜的酸甜滋味也為整體增添了不少女性化的嫵媚。這道菜實在是太令人沉醉了,完美地融合了泰式料理的特色與現代飲食的偏好。2. 煎蛋配飯:這份簡單的煎蛋配飯,卻讓人難忘。蛋黃濃稠香滑,蛋白恰好酥脆,與飽滿分明的米飯堪稱絕配。調味也很入心,讓這份普通的早餐菜品散發出不一樣的魅力。這樣一道素雅清新的料理,完全俘獲了我的胃口。3. 沙嗲雞肉串:光是聞到這道沙嗲雞肉串的香氣,就讓我垂涎欲滴了。鮮嫩多汁的雞肉,配上恰到好處的沙嗲醬汁,讓人如癡如醉。洋蔥、青椒等配料更是為口感增添了更多層次。作為開胃菜,它無疑是一絕;單獨享用,它也同樣迷人。4. 班蘭紅豆椰汁冰:這道甜品可真是清新爽口!紅豆的香甜滋味與椰汁的清香完美融合,入口即化,回甘綿長。冰涼的質地也讓人感到格外舒爽。搭配的白色椰浆更是為整個色彩搭配增添了一份嫵媚。這樣一道甜品,無疑是整頓飯局的點睛之筆。5. 大蝦拼花甲喇沙摻摻:這款豪華海鮮拼盤可真是令人垂涎欲滴!大蝦鮮嫩彈牙,花甲和喇沙的鮮美滋味也讓人回味無窮。

昨晚同太太去茶泰食晚飯， 食物保持一向不錯嘅水準。但最為亮點的，係佢哋嘅服務態度非常之高水準。 疫情後總覺得香港飲食服務包括此一類型嘅餐廳，水準已經下降 。所以噚晚接受到一個高水平嘅服務態度我覺得我應該值得表揚佢哋。 昨晚原本我哋坐一張二人枱，但係因為所叫嘅食物比較大件，有位男侍應主動幫我哋換一張四人枱，方便我哋擺放食物。除此之外 食物和飲品都跟得好足，不用我哋提點。 係呢方面我哋睇到呢間餐廳係好有心去做，負責人同埋佢的拍檔都好用心去招呼客人。 食物質素固然係重要，但係如果輔助以誠心嘅招呼，可以令客人更滿足地享用晚餐。 呢間餐廳兩方面都做得好好，所以我覺得需要寫畀佢哋好嘅評語。

服務差不在話下，叫邊樣冇邊樣，而且味道淡而無味，叫杯荔枝梳打，完全得梳打，甜味都沒有，叫佢嚟試，都話對你唔住。唔需要揀呢間餐廳。價錢上，雖然同出面一樣中規中矩，但如果以呢個味道同服務態度就完全唔值。檢測用電子系統，想飲杯泰式奶茶，電子系統冇得揀，然後想斟杯水，都搞咗半個鐘頭都未搞掂，個個員工都好似好忙咁，但係你完全唔知道佢忙緊乜嘢，員工之間有互相指責，真係冇話題，枱面清潔同收拾完全放唔切，餐廳得返一半人，員工都唔係即刻執枱，係要等到有下一台客人嚟，先叫客人等等

水門雞牛骨湯河的重點是牛骨湯！牛骨湯的味道非常豐富，另外配上水門雞，可以說是添了不少色彩。水門雞索了牛骨的湯，一口吃時，牛骨湯從雞肉中滲出來，味道非常夾。水門雞份量也很足料！份量大，絕對飽肚，對得起價錢，性價比亦高。水門雞比較少骨，對於不喜好吃骨的人是大喜訊！配以等製的醬汁，吃水門雞又有另一番風味，「一雞兩味」！河粉亦不會太淋，軟硬程度剛好有，沒有影響口感。河粉結合了洋蔥和牛骨的香辣味道，讓人愛不釋手。

真係好差 完全係呃客搏大霧！！<事件一>下午茶時段去食手機落單嗰陣見到有迷你豬扒湯河因為見到張圖片有芫荽蔥同埋炸豬皮，仲可以加$3轉冬陰功湯底所以果斷地嗌左嚟到之後所有配菜都冇晒由於我好鍾意食炸豬皮 所以就問侍應係咪俾漏咗侍應要求廚房倒少少俾我廚房: ”因為我係下午茶所以係唔會有”我: “但係張圖係有…”廚房: “因為你轉咗冬陰功湯底所以冇”我: “但係手機落單嗰陣仲問我使唔使走青同走豬皮 ，唔關係唔係下午茶或者冬陰功湯嘅事”最後先肯俾返。完全係俾漏咗之後呃啲客。————————<事件二>由於除左主食仲叫左有雪糕嘅甜品所以落單嘅時候已經同侍應講咗甜品後上侍應話冇問題但最後主食未到 雪糕甜品就已經到咗我哋要求雪返佢但經理又話: “由於係叫下午茶所以唔可以後上甜品”(即係話連雪返都唔肯)但其實甜品完全係正價嘅食物唔係下午茶加幾蚊就可以有嘅嘢點會關下午茶事呢？點解乜都要用下午茶去推卸自己嘅錯最後經理發晦氣: “咁我掉咗佢啦，之後整個新嘅俾你”講真 點會敢食呢。其實有心嘅 就算係唔係跟餐甜品好多餐廳都會考慮顧客 甜品後上啦基本野都唔得 等執啦。

入黎坐勁耐冇人理,問佢攞完餐牌想落單先比張紙我,叫我自己掃code,咁點解唔一早比我？坐係到等佢咁耐係為乜？仲要想問佢講野,未開口就話比張紙你,然後自己走左,連講野既機會都冇。 然後到埋單嘅時候,$87,我比$100, 佢話佢冇散紙, 我同佢講我淨係得cash喺身, 然後佢話佢都冇辦法我都盡咗力, 好似想叫我自己諗掂去咁, 咁其實呢個唔係我問題喎,你有乜理由一蚊散紙都冇, 咁我都同佢講我都冇辦法, 佢先至話咁你等等啦,要去唱錢。 如果你真係唔想收cash, 其實可以講明只收電子貨幣。 唔係計較佢找唔找返幾蚊比我, 而係佢態度好有問題, 頭先找多咗十蚊比我都即時比返佢。

本身想食下粉麵見到個門面都幾靚～諗住試吓呢間一入到去已經覺得個冷氣唔夠出面商場多涼過佢同埋啲抹枱毛巾要洗多啲幫我哋清潔完張枱之後都有陣異味(似係毛巾洗濕up咗好耐唔乾果隻味)坐低果時係下午茶時間～諗住嗌個船河唔會錯，話晒都係泰國嘢🥹本身個船河一嚟到嘅時候個樣幾靚仔配料麵幾足㗎～點知一食落去嘅時候😑個湯完全冇味好似搵緊清水送麵🫣佢除咗啲配料食物有味之外個湯係👎🏻👎🏻👎🏻👎🏻希望真係能夠改善下🥹因為真係唔好食同埋下午茶價錢嚟講算係高不過芒椰西米露嗰啲就都幾好飲同埋出面門口賣嘅泰國零食都幾多選擇不過嘢食湯底，真心要諗諗佢🫨