品茶弄啡 (已結業)

今次嚟到尖沙咀呢度饮呢间珍珠奶茶店系之前都有留意嘅因为佢个名好特别。同埋我呢个珍珠奶茶控梗系周围去㗎啦。去到叫咗一杯愿望茉莉先，咁我呢个珍珠怪一定要加珍珠啦。咁佢其实都几大杯嘅同埋个芝士其实都够厚嘅。不过我略为嫌个茶就薄左少少但系都够茉莉味嘅，清新怡人嘅。茉莉加上佢个芝士奶盖仲有啲芝士粒粒。呢个系几特别嘅，因为佢咁多间台式饮品店饮过芝士奶盖都系冇芝士粒粒。但系呢一间就有芝士粒粒，有啲口感同埋真材实料啰俾人感觉。浓淡交错加埋珍珠正！咁我另外就要左呢一个奥利奥芝士奶盖朱古力咖啡。咁个奶盖都系一样啦，加咗少少奥利奥碎。咁个重点就系朱古力咖啡𠮶度。其实佢个味都系好浓郁嘅，一饮落去系好重朱古力同咖啡嘅香味。味道系绝对足够。不过都系𠮶样嘢就系个茶嘅质地好似始终系比较薄。如果厚啲就好啲。同埋佢啲珍珠如果再大返少少咁我就更加钟意。呢度个店舖都几靓嘅，风格都几特别，几有风格嘅文艺复古路线。咁如果个茶底再厚返少少咁应该就可以行出自己嘅独特风格嘅。