茶記冰室 (已結業)

茶记冰室——又茶记又冰室咁，净系睇个名已经觉得呢间餐厅好特别。原来佢唔系得个名咁简单。佢真系有齐茶记同冰室食到嘅野架！食物款式多箩箩，实有一款啱你食！去嘅时候啱啱开始下午茶时段。未食晏，想食d主食，见有「抵食下午茶炒粉面」，$34奉送茶啡，咁抵喺边度揾！叫左个干炒牛河食。干炒牛河好有镬气，酱汁比一般茶餐厅落得少，睇落色水较淡，味道淡啱唔会太咸，啱晒我呢d著重健康嘅人士！朋友嗌左咖喱牛腩饭。咖喱牛腩饭咖喱香浓，咖喱汁较甜，唔会辣到食唔到。牛腩腍身易入口。食左咁多肉，食番d菜平衡下先。嗌左个上素罗汉斋。超足料！有芽菜、大白菜、豆腐、木耳、红萝卜丝、秀珍菇等。真系多料到数唔晒呀！呢味菜只系用水灼熟加少少茨同盐就上枱，清得黎又唔会味淡到唔想食。我同朋友不知不觉竟然清晒成碟！食完主食继续食「甜品」！下午茶重有「冰室」类嘅野食比你拣！「轻松悠闲下午茶」餐牌有沙律同埋西多士、三文治等包类。我同朋友就点左炸鸡髀沙律同埋咖咉西多士试下。炸鸡髀沙律鸡髀啱啱炸起，重热辣辣！咬开后鸡肉滴晒出黎，好juicy呀！沙律酸酸甜甜好开胃，有两片大蕃茄舖喺面，好fresh！