添添

营业中

休息中

有时懒既话会去添添买两𩠌饭返屋企食，最近发现佢系对面开左餐厅，可以直接坐低食，所以揾日吾煮饭同屋企人去食。黑醋金沙骨 $85呢个金沙骨食落去有层薄薄既脆口感，炸粉非常少，金沙骨都多肉，连少少脂肪，食落够腍吾鞋，黑醋味调较得几好，吾会好酸。茄子班腩煲 $88份量都多，班腩大大件，无骨，炸粉会相对厚少少，茄子煮得够腍，味道吾会好咸，略嫌底下比较多油。豉椒排骨炒河 $60呢个价钱包埋饮品都算差唔多，河粉份量超多，有微微炒干过，然后再炒三色椒同排骨，加个芡淋落河粉到，有啲似湿炒河既feel，排骨都多肉。跟餐有老火汤同饮品。呢度每张枱都会放定啲杯同水壶，吾洗成日揾人拎，几好！