茶記冰室 (已結業)

今日同同事嚟左见客就揸左嚟葵涌食饭，因为同事话呢头有咪表易泊车。佢带左我喺呢间茶记冰室，话之前晏画嚟食过。我地两个都点左常餐，而且仲要一样系招牌沙嗲牛肉面，此外另加一碟豉椒炒蚬，因为见隔离枱𠮶碟炒得几正。常餐（配有牛乳滑蛋/火腿奄列+牛油厚多士/牛油猪仔包+饮品）《招牌沙嗲牛肉面 $40 +牛乳滑蛋+牛油厚多士 +饮品》- 沙嗲牛肉几香浓而且唔韧，d都浸左一阵都无发涨同变软腍，几好味。牛乳滑蛋有蛋香，加埋脆口既牛油厚多士一齐食仲正又饱肚。冻饮加$3《豉椒炒蚬 $78》份量岩晒两个男人食，大碟又多蚬肉，d蚬肉都几鲜同肥。