金城餐廳 (已搬遷) 新店位置

前几日，收左工接埋个女友番去，唔想次次到系cwb个边食，今次打算去到佢屋企楼下先医下个肚。去左东大街个头，个度成条街都系餐厅黎，真系都几多选择。搞到我都无从入手，唔知食边间好，我女友就知我钟意食海胆，就拉左我黎　金城呢一个间餐厅都开餐喇。我就听佢讲叫左个海胆炒饭，佢就叫左个焗猪扒饭，大家share黎食下。金城呢度个海胆炒饭，我觉得绝对系值得一试架，海胆有海胆味就唔再讲啦，一放上台就已经闻到一阵阵强烈嘅海胆既香味扑鼻而来。未入口，碟炒饭个look都已经好吸引我喇。个饭食落去好香好正。咁另个佢个焗猪扒饭又系另一个杰作，佢个猪扒系同茄汁几夹架，好味过快餐店个果焗猪，咁当然呢个系我个人既口味，但事实上猪扒质素系好好味。之后我谂我会再黎试下其他既小菜或者其他野。