民華餐廳 (已結業)

做facial之前食个茶记先，作为民华粉丝又黎食啦，无记啦常餐太高质，今次叫左常餐沙嗲牛通粉配餐肉炒蛋，牛油烘底多士，沙嗲牛照样汤底味道不错，浓而不咸，通粉烟烟韧韧几有咬口，牛肉易咬而且肉质够稔，餐蛋多士照旧出色，炒蛋超级滑仲有少少蛋酱流出黎，有卖相又好味，餐肉都几厚，多士烘到外皮微脆，新鲜热辣辣食连埋溶左既牛油，正啊！至于野饮我就加钱跟餐叫左杯红豆冰，大大杯，有一半都系红豆，甜度适合，好味道啊！