京林屋 (已結業)

带住朋友啲小朋友，佢地父母同我都攰攰哋，想揾间舖hea阵先才到晚饭地点。雪糕就系大人同小朋友嘅恩物，见到呢间以抹茶为主打嘅店舖，紧系要入去。嚟自日本京都宇治抹茶，以抹茶制成多款甜品，吸引我呢啲抹茶控，自己又挂念去京都时食过啲抹茶雪糕。牛乳红豆白玉脆米雪糕 $50牛奶味重，除了烟烟韧韧嘅白玉，另外加上饱满香甜的红豆和脆米，多重层次，口感丰富，非常好味。抹茶啫喱雪糕 $48浓厚嘅抹茶味雪糕，正。估唔到两位小朋友钟情呢杯抹茶雪糕多过牛乳味，相信佢地饮开奶，对住抹茶味呢种新鲜嘢，真系食极都唔停口呀，直至成杯食完为止。日式装潢，时尚优雅，坐位舒适，雅致嘅甜品柜，摆咗好多款精美嘅抹茶同焙茶甜点。自己未点都吸引双眼。