茶咖廳 (已結業)

同老婆嚟开红磡就周围揾下嘢食先，系环海东岸果边有个商场仔，之前都见超市上面开咗间小店，就胆粗粗试下！店面唔系好大，大约坐到五、六枱到，坐得唔算好舒服，当日冷气亦唔算好够🥵但啲嘢食质素又认真唔错㖞！我地嗌咗个常餐配冻奶茶($52)多士十分香脆，太阳蛋同火腿就正正常常。叉烧意粉比想象中好食，叉烧都有四五块，入口松软，而个汤底有好重忌廉味，好香原本配通粉应该更正（可惜我唔钟意食）另外叫咗个All day breakfast配冻咖啡($72)芝士奄列口感好丰富，底下仲有旧班戟，吸晒芝味好正！鸡肉肠，烟肉，茄汁豆，白蘑菇等等亦不过不失。饮品好大杯，冻奶茶香味浓郁，普通咖啡就一般，下次再试其他。