影片
更多
2018-04-09
1335 浏览
一个月前过嚟Ikea买嘢，路经呢个餐厅时，就好奇佢个名点解，三姑六婆、三头六臂、三书六礼、三推六问、三宫六院、三口六面……我就识，「叁茶陆饭」究竟开边瓣！？其实，上次经过时已睇过吓，主打喺卖台湾菜，刚刚去完旅行，有啲手信跟表姨甥女交收，所以，就索性约佢食餐简约便饭。从门面所见，台式小吃、热炒及手摇茶喺佢哋嘅主力。从外观睇，都见餐厅地方非常大，观感开扬光猛，全店装修更以木系为主轴，衬以粉蓝，摩登得嚟又有少少文青感，又有啲少女味道。虽然楼底高，但要挑剔喺地方大就大喇，但枱櫈编排有些微挤迫，简直枱与枱连成一线。枱上已放自助水樽，唔使烦到侍应添水，小弟都几钟意呢个做法。我见有啲人写食评话张枱好细，讲到连樽水都要放晌地上，又唔喺吖，我哋上齐晒嘢都无问题（甜品后上除外）。菜式就印晒晌点菜纸之上，分类为小食、汤品、猪牛鸡海鲜类菜式、蔬菜、台式面饭、多款台茶、台式特饮及甜品，温提：需收加一服务费。此外，餐枱垫嘅一角印有厨师推介，唔想谂、唔想烦嘅客人，大可以就咁晌度拣几款。卤味拼盘（小）$58其实台式卤水一向有市场，我哋都钟意食卤水嘢，一客细拼盘有齐鸡翼、牛肚、豆干、卤蛋、花生，啱晒多心想样样都试吓嘅人
从门面所见，台式小吃、热炒及手摇茶喺佢哋嘅主力。
从外观睇，都见餐厅地方非常大，观感开扬光猛，全店装修更以木系为主轴，衬以粉蓝，摩登得嚟又有少少文青感，又有啲少女味道。虽然楼底高，但要挑剔喺地方大就大喇，但枱櫈编排有些微挤迫，简直枱与枱连成一线。
枱上已放自助水樽，唔使烦到侍应添水，小弟都几钟意呢个做法。我见有啲人写食评话张枱好细，讲到连樽水都要放晌地上，又唔喺吖，我哋上齐晒嘢都无问题（甜品后上除外）。
菜式就印晒晌点菜纸之上，分类为小食、汤品、猪牛鸡海鲜类菜式、蔬菜、台式面饭、多款台茶、台式特饮及甜品，温提：需收加一服务费。
此外，餐枱垫嘅一角印有厨师推介，唔想谂、唔想烦嘅客人，大可以就咁晌度拣几款。
卤味拼盘（小）$58其实台式卤水一向有市场，我哋都钟意食卤水嘢，一客细拼盘有齐鸡翼、牛肚、豆干、卤蛋、花生，啱晒多心想样样都试吓嘅人。整体嚟讲，都几入味，个卤水芳香而唔会有过咸嘅情况，伴饭一流，所以，点咗一客白饭（$11）。牛肚卤得够晒软腍，豆干属台式较硬𠮶种，但几有豆香，
喺卤蛋硬实咗啲。
主厨红烧牛肉面 $68同食碗日式拉面差唔多价钱，梗喺要嗒真啲个汤啦，个汤底非常香浓，可谓浓而不浊，有一份醇厚嘅感觉。面条食落颇有咬口，而啲红烧牛肉口感十分松化，够肉香，认真唔错。
招牌黑糖珍珠炭烧乌龙奶茶 $28饮品就梗喺拣啲特别少少啦，不过，佢哋啲台式饮品其实都几吸引。个乌龙茶底比预期幽香，配以黑糖，感觉醇和啲，珍珠烟韧，唔喺啲劣质货色。
海盐芝士奶盖茉香绿茶 $26上之晌Say Cheese试过一次芝士奶盖饮品，今次就想再回味一下，先啜两啖芝士奶盖，咸香丰厚，再叹两啖茉香绿茶，确喺芳香，再搅匀试试，所产生嘅化学作用无上次试到嘅咁突出，但已相当不错。
黑糖芋圆仙草冻3号 $38黑糖、芋圆、仙草几样台式甜品食材嘅主力拼埋一齐，原来内里仲有埋燕麦、红豆、珍珠，大大碗嘅仙草冻，份量十足，啱晒「些牙」喇。烟韧嘅芋圆、爽滑嘅仙草、咬口嘅燕麦、清甜嘅红豆、QQ嘅珍珠，超足料，口感丰富，淌晌黑糖糖水底，真喺无得点输啰。
黑糖芋圆仙草冻3号
$38
50 浏览
1 赞好
0 留言
张贴
