萬波

营业中

休息中

第一次行过已经俾个名吸引左，之后行过几次都好见多人，见今日放工唔多人排所以就买咗几杯返屋企试吓。夏芒芝士我最钟意系夏芒芝士，芒果好清甜而芝士好浓厚，虽然天气冻冻地，但呢个真系最好饮。买完之后我先见到佢仲有杯饮品叫杨枝甘露，下次我会试下，睇吓边杯好饮啲。波霸奶茶我老公就点咗杯波霸奶茶，佢话最简单最普通嘅嘢先至饮得出间茶饮店做得好唔好。佢赞珍珠几煮得几好，够烟韧又唔会太淋，个茶底都唔错，不过佢就怕饮左茶会瞓唔着😂😂香草籽布蕾原茶我仔仔系俾啲香草籽吸引。我同佢讲香草籽好香㗎，用香草籽而唔系云里拿香油先系真材实料，所以佢就点咗一杯啦。结果亦不负我哋所望，香草籽奶盖香滑可口，同布蕾原茶既味道非常夹。