翠華餐廳 (銅鑼灣商業大廈) (已結業)

好耐冇去过翠华，我谂都有几年，之前去翠华奶油猪，猪软骨米线，今日去完工展会，见到糖街𠮶间，翠华就谂住再去试吓，都系照旧嗌咗奶油猪、瑞士汁鸡翼同埋猪软骨米线。点知见到隔篱枱有个铁板牛柳，咋咋声，引到我忍唔住都要嗌一份试吓！估唔到原来佢嘅铁板牛柳餐，有惊喜㖞，价钱就正常啦，唔系特别平又唔系特别贵$108 (+$15跟餐有嘢饮，有迷你猪仔包)佢嘅牛柳松软，有牛味，要赞吓佢嘅就系冇乜根，全件牛柳都可以食晒，薯菜，佢就系唔系用薯条嘅系薯角👍然之后我饮咗杯蛋白杏仁茶，唔系平时攞杏霜冲𠮶啲杏仁茶，我饮得出真系用杏仁磨碎嘅再加蛋白，真系好好饮，下次嚟一定要饮。