番茄18 (觀塘工業中心第四期)

营业中

休息中

好少推介茶餐厅，因为对我来讲间间茶餐厅都差唔多，冇乜特别好食，不过今日喺观塘做完Facial，有啲肚饿想食少少嘢，就同朋友去番茄18☺️☺️见到佢嘅蕃茄米线好多人食，不过我就食小食为主🥳🥳🤩菠萝包平时食菠萝包就食得多，今次嘅菠萝包𠮶块菠萝皮够晒厚。个包又够松软，真系唔错㗎。🤩瑞士鸡翼总共有5只，份量不少之余，味道又好。个瑞士汁整得好入味，亦都唔会太咸，作为小食，真系好好食。🤩麻辣双色饺子饺子整得好出色，麻辣味道亦都控制得适宜，不会太辣。同埋叫做相识饺子，有一只系白色一只黄色。黄色𠮶只有少少咖喱嘅味道。好有特色。🤩葱花咸牛肉蛋治葱花咸牛肉大大份，好满足。炒蛋又大嚿，大到好似塞满左成个面包咁。喜欢佢嘅葱花切得够幼细，又够多，香味十足。🤩大汗鸡扒叫得大汗鸡扒，就知佢咩料。佢嘅意思即系辣味十足嘅鸡扒。但系佢辣味，控制得适宜。只会带出香辣味。值得推介。🤩四川炸酱手撕鸡炒上海面炒粉面亦都好有镬气，呢个配搭真系第一次食又有四川炸酱，又有手撕鸡，配埋上海面。配搭新奇，又好吃。🤩柠檬可乐趁天气仲有少少热，叫返个柠檬可乐大大杯，就啱晒。🤩鸳鸯来到茶餐厅冇理由唔叫番杯港式嘅鸳鸯。整得都好地道。