叙苑粉麵茶餐廳

营业中

休息中

系慈云山区好食既茶餐厅好少, 呢度算系唔错, 尤其系佢既茶餐, 虽然最近加左价, 但间中都会去。我最钟意系佢既A餐, 有牛油餐包配火腿奄列, 沙嗲牛肉公仔面, 加三蚊有红荳冰。先讲奄列, 完整既奄列包住入味既火腿, 夹系牛油包里面食最好! 而沙嗲牛面牛肉嫩滑, 汤汁香浓, 可能有人会觉得会稍咸, 但阿妈话咁先足料哩! 成个餐最好既系红荳冰, 饮得出佢真系用花奶沟出来, 有成半杯咁多, 唔会偷工减料, 红荳则软硬适中, 粒粒都大大粒, 好有口感, 可以话系我饮过之中最好味既红荳冰哩!佢最近扩充左, 连街边都霸埋, 而且不时会坐无虚席, 可见捧场客真不少! 呢度夜晚仲有煲仔饭, 我试过都唔错的。不过佢既粉面就一般, 大家大可去后街既"明记"食好喇。至于服务就唔好谂喇, 都系街坊生意, 唔好要求咁高了!