LM Cafe (已結業)

之前朋友带我黎过呢度，觉得几好，所以今日带朋友黎坐下，食下。上次仲live band 添，不过今日就无啦。当日好旺场，全场坐满，职员做到无停手，不停走来走去。但上菜都唔会太慢，我地食铁板餐，两三个字到就上。铁板餐包主食，餐汤同饮品餐汤罗送汤好多菜，不过有少少辣，几开胃既。自己叫左西冷牛配香草肠同薯菜餐。睇个样都知好大份！个底仲有好多薯条，超饱。牛扒同平时食开既差不多，唔韧，厚身。肠大条，外皮脆口。杂扒餐配饭有鸡扒、猪扒、烟肉、炒蛋同肠。个鸡扒较为有惊喜，好嫩滑，外边既皮煎得脆口，肉“”叶“”过，入味。猪扒都好林，啲肉唔鞋。饮品系黑牛同红豆冰最后我地仲叫左个自选pancake。饼好松软，厚身。有好多种酱点！I like it! 有两球雪糕，特别喜欢朱古力味，入面混入薄脆朱古力，正只系55蚊，价钱好抵！