茶記冰室 (已結業)

撞啱有个姊妹约我上佢到倾presentation既野。第一次去石荫，就搞到我荡失路。。佢见我喊晒口咁，就话请返我食饭补数。经过呢间「茶记冰室」，佢话时不时都会同屋企人系到食，啲小菜大大碟，又有获气，所以就决定今晚食呢间。地方都几干净企理，多卡位坐得好舒服，一啲都唔迫。墙身贴左好多小菜既相，碟碟卖相都好靓。「今次由你发办啦」姊妹话。「咁我唔客气嫁啦」我答。我递递手。「唔该！我要「呢个」，「呢个」同「呢个」！」我话。小菜唔洗另外叫饭，佢每个小菜都会跟例汤，白饭同一杯野饮。例汤好足料，有种好熟悉但又讲唔出既感觉。哈哈，我唔敢问我姊妹系咩汤。「烧薯牛粒」。上枱真系超大碟！哈~有啲后悔叫成三个小菜，人地点知咁大碟㖞。Anyway，牛柳粒松软可口，油香满溢，带点黑椒味。薯仔烧到外皮脆卜卜，食到停唔到。「凉瓜味菜斑腩煲」。通常出面食开都系凉瓜斑腩煲，呢到加多左味菜，食落估唔到咁夹，唔单只中和左凉瓜既苦涩，啲斑腩食落更加惹味。斑腩都系惯常走左油再放过煲仔，口感实净，外脆内软。「黄金大虾球」所谓黄金就系咸蛋黄，依家好兴呢种食法。口感有种沙沙既感觉，食落有浓郁既蛋黄香，超赞。虾仁又大大粒，粒粒爽口弹牙，必