茶記冰室 (已結業)

昨晚星期日妈咪唔想煮，见未试过茶记嘅晚饭小菜，妈咪又想食，于是七点便去攞位。落到去见到已经full左，好多人，要等位，以为等十分钟左右，谁知一等等左廿分钟，不过妈咪又好想食唯有等下啦。坐底后见到附近好多枱叫鸡煲同羊腩煲，好似好正咁，但妈咪唔食得辣，我又唔食羊，唯有食其他啦。有位呀姐推介话是日有新鲜海鲜，蛏子廿五蚊只，又介绍豉汁蒸白鳝，估唔到茶餐厅竟然有新鲜海鲜食，因为我同妈咪都好钟意食海鲜，于是叫左蒜蓉蒸蛏子,豉汁蒸白鳝,再加个炒菜心。等左10分钟左右就到了，白鳝好爽囗，冇泥味，个汁调较得好好，蛏子都非常新鲜，都算大只，味道同之前去流浮山食一样！至于炒菜心就冇乜特别，但几有镬气。今晚同妈咪食得好饱，埋单都系二百蚊左右，d海鲜真系好抵食,白鳝都系$88，蛏子四只先$100，估唔到喺茶记竟然有又新鲜又抵食嘅海鲜！会再来！