翠華餐廳 (已結業)

今日向呢间翠华叫左个茶餐，有猪仔包，秋葵炒蛋，蕃茄汤鸡肉缧丝粉，同埋热柠水。秋葵炒蛋食得出无落盐，抵赞，想食咸d先由自己决定落几多调味料。猪仔包就不似预期既大细，黎到先知，个size同普通餐包甘大。再讲呀，餐牌上面，就向呢个茶餐果格印有$18蚊既炼奶猪仔包㖞，比食客一个错觉，猪仔包系甘既size。最后要讲既系重点，个鸡肉系好嫩滑既，不过，因为鸡肉痴埋一旧旧，将佢地打返散，其中一旧既心仲有红血色，好明显系唔够熟。搅到一边食，一边唔放心。讲完食物，讲服务同环境。服务麻麻，因为一入门口已经无人带位，都算。甘自己揾位。坐低左想叫野食，个男侍应好快应左一声，但无行过黎落单啰，要再等另一个侍应帮我落单。环境极奇恶劣，因为咁岩撞正洗冷气，先系嘈，再有一阵臭味，严重影响食欲，唔明点解要开店期间洗冷气。再留意埋餐厅既装修都系唔美观，唔明呢间系集团式经营既餐厅，点解都搅到甘。