翠華餐廳 (已結業)

是咁的 某夜凌晨係佐敦想搵早餐食 ， 見依間翠華關24就試一試 。 入到去 先睇睇餐牌有A餐火腿通粉 配太陽蛋 腸仔 豬仔包B餐 沙嗲牛肉麵面 配 炒蛋 豬仔包C餐 雪菜肉絲米粉 配豬仔包 D餐 五白肉丁麵 配 炒蛋 豬仔包 見到每一個餐麵係有豬仔包 ， 但分配不同 ， 價錢都不同 。 留意❗️❗️❗️❗️ ： 不得自由配搭 即是火腿不能轉面 ， 沙嗲牛肉不能轉米粉 ， 肉丁不能轉通粉⋯⋯一定要跟足個餐牌 ， 我認為都幾有原則咁叫一個A餐試試湯底要讚一讚 ， 全部不油。 係濃郁的湯味 ， 而且鮑魚片都不錯 依個就係大陽蛋加豬仔包賣相真係吸引。總括而言， 都算有驚喜 。但食多總會厭發覺同一般早餐差不多 ， 但就比較貴少少。

今日向呢間翠華叫左個茶餐，有豬仔包，秋葵炒蛋，蕃茄湯雞肉縲絲粉，同埋熱檸水。秋葵炒蛋食得出無落鹽，抵贊，想食咸d先由自己決定落幾多調味料。豬仔包就不似預期既大細，黎到先知，個size同普通餐包甘大。再講呀，餐牌上面，就向呢個茶餐果格印有$18蚊既煉奶豬仔包喎，比食客一個錯覺，豬仔包係甘既size。最後要講既係重點，個雞肉係好嫩滑既，不過，因為雞肉痴埋一舊舊，將佢地打返散，其中一舊既心仲有紅血色，好明顯係唔夠熟。攪到一邊食，一邊唔放心。講完食物，講服務同環境。服務麻麻，因為一入門口已經無人帶位，都算。甘自己搵位。坐低左想叫野食，個男侍應好快應左一聲，但無行過黎落單囉，要再等另一個侍應幫我落單。環境極奇惡劣，因為咁岩撞正洗冷氣，先係嘈，再有一陣臭味，嚴重影響食慾，唔明點解要開店期間洗冷氣。再留意埋餐廳既裝修都係唔美觀，唔明呢間係集團式經營既餐廳，點解都攪到甘。

餐廳職員一開始巳寫錯單，送錯乾抄牛河，於是要求更改，最後來了一碟怪味沙嗲牛肉抄河，又酸又甜有菠蘿有蕃茄，好似隨便找碟菠蘿蕃茄牛肉混入'抄河，真係怪味河，如果唔係趕時候，真係打算原 。

由於阿B發燒，突然夜晚入院，攪晒已經是半夜，由醫院落返去已經凌晨二時，周圍大部分食肆已關門，得返M記同翠華，翠華選擇較多，所以入左去。入到去叫左個雲吞麵，當半夜兩點，仲有熱野食，其實已經無咩要求，但碗麵仍然有水準，仲有啲蝦籽在上面，認真唔錯。

前幾日朝早因為工作需要，一早去咗佐敦，見肚餓就去咗白加士街嘅《翠華餐廳》食早餐。叫咗一份早餐A嘅仿鮑魚火腿絲湯通粉啲太陽蛋、香腸及牛油豬仔，飲熱咖啡，共 $37。仿鮑魚火腿絲湯通粉，個湯味道ok，可惜上枱嘅時候竟然唔係熱嘅，而係溫嘅；通粉亦煮得太腍，失色。太陽蛋香腸及牛油豬仔味道不過不失。熱咖啡 - 口感同味道都可以，不過唔知點解，上枱時好似冇左一截咁，同以前比細杯咗好多。印象中翠華嘅早餐味道唔錯，可惜呢餐就絕對失色，實在令人失望！

My friend came back to Hong Kong and she wanted to go to this place for breakfast. Apparently they are famous for the creamy crispy bun. Anyway, I got the beef noodles with egg and bun. The beef noodles was okay, I didn’t eat the beef though as it was too chewy. The noodles is just instant noodles. The egg was runny and the crispy bun was cold. It’s just an ordinary breakfast.

要食個quick dinner就當然揀翠華！有兩層，都幾大間，晚市時間門口都有人等，我們二人一去就有位，都幾好！張繼聰在餐牌封面。原來已經50年了。男朋友食咖哩牛脷飯，咖啡汁夠多同惹味，撈飯食一流，而牛脷就有啲難咬，但整體而言係好食既，男朋友一眨眼就食完😂我啱啱補完牙麻醉未散，就食順德魚腐米線，容易入口。大大粒魚腐帶來好濃厚的口感，啲米線就滑滑地，有少少難夾。我中意食茶記係因為有菜食！翡翠豆苗唔係度度有得食，所以諗都無諗就揀咗呢個$33既魚湯浸溫室翡翠豆苗，入口覺得新鮮，魚湯夠清，軟硬適中，為呢餐飯增添不少分數。最後埋單：$136兩個人，有菜食，not bad～

油尖旺半日濕平遊，行到攰，去到佐敦，記得有間翠華餐廳喺附近，今日下午茶唔算多人， 原本想叫個特色茶餐，有脆豬仔包，有炒滑蛋，但想食个雲吞面，諗嚟諗去，最終叫咗個下午茶餐 ，沙爹肥牛撈麵，仲有個魚湯小雲吞，加個熱檸檬茶。肥牛撈麵嘅份量都唔細，個面底幾爽，肥牛夠薄，唔會韌， 最鍾意佢个沙嗲汁，唔會太辣辣，惹味 小餛飩個湯底都幾辣，魚湯味濃， 小餛飩雖然細，都有彈牙蝦。呢杯檸檬茶算係多檸檬，茶香，鐘意唔落糖，幾好飲。上市公司一啲都唔平，冇法啦香港地租貴。

住係附近所以食過幾次老實講食物係貴d但質素OK個衛生環境就真係好差，完全唔可以接受堂食等好耐先有外賣拎，試過有次等左25分鐘😑但果次我問個待應，佢態度都OK話會幫我睇下今次又等左17分鐘既時候我入去問另一個待應，佢黑面話無得追😡，我即刻想問候佢既時候，另一位待應就咁岩拎緊個外賣出黎其實翠華貴過其他茶餐廳咁多，服務咁差、上菜又慢、環境又污糟，唔明點解仲會咁多人慕名而來🤨之前翠華個太子爺話新上任會改革下，完全見唔到有咩改進

放左工朋友話想試新野帶我去翠華食,入到去著黑衫類似經理高高地帶黃帽既員工真係好西安排我地上2樓坐,上到去坐走廊果張枱,期間不停有清潔員工於走廊位置穿插,其實走廊位置咁窄係咪唔應該係度開張枱給客人呢?下層有空置座位時,員工安排我地落下層,但無奈每位員工都無暇幫我地帶埋食物至下層都算,果時我仲未點餐,點餐時黑衫員工類似經理的高個子的員工,問我幾位,我話2位,到我點完餐時,佢問我另一位係邊,我話上面拎緊食物落黎,因為冇員工幫佢,佢就用呼喝態度責罵我"咁你又唔講?"跟住自己走左去服務其他大陸人,我真係o左對大陸人個態度變得咁快！？經過今次之後我真係唔敢再食翠華睇黎只招待大陸人,不了不了

話說突然好想食乾炒牛河，雖然好肥，但一次半次唔緊要啦，食完至減肥😂😂😂去到翠華，點知河粉賣晒，唯有轉炒意粉啦！大大碟乾炒牛肉意粉好夠味，配上佢地ge芥末醬同辣椒醬一流👍🏻牛肉份量都算多，而且唔會大硬！成碟食晒真係好滿足，但就又加左唔知幾多卡路里🙈🙈🙈

早年來過這分店一次，味道質素差過屋村茶記。事隔一年再試，質素依然保持到咁低水準，唔明點解可以仲未執。湯粉湯底水一般清淡，脆豬面包唔脆，魚柳肉梅梅地，茄汁豆又細粒又淡，炒蛋質感勁差，全個早餐一無是處。最好既應該係杯熱奶茶.........經過今次體驗，以後絕對唔會再踏入翠華。

首先菜的味道很奇怪 点了好多都没怎么吃而且语言交流困难 只会粤语 比划半天不知道在说什么 过来一个管理人员 态度很嚣张 非常不耐烦 让我们赶紧点菜 结账的时候不能刷卡不能网络支付 只收现金 没有港币的话就会已非常低的汇率收取人民币 态度也是非常不耐烦 吃完饭心情非常差 ！真的是非常非常非常非常的差，不知道怎么会是上市公司，简直不可思议！卫生间特别的脏，居然是在室外搭了个雨棚！满地都是脏水，恶心死了！不知道多久没人打扫了！！

當年我係機場做地勤食過一次翠華早餐之後都冇食過😅今日叫左個"鹿兒島豬軟骨菠菜餃米粉"豬軟骨得一舊有軟骨 好似有啲藥材味咁都好食既 但唔係我鍾意又酸又甜個隻😗個湯唔係一般味精湯 食唔岀係乜但幾好飲😌Btw, 我得十五分鐘食飯 但我十分鐘食哂覺得自己好狼😂

墨丸墨片, 魚湯, 魚腐, 多葱, 湯河, 別小看了翠華原來粉面有不是太行貨!翠華湯粉, 以茶餐廳質素而言, 一點也不賴呀!!!!全部是翠華其下自家製, 價錢合理, 營業至深宵, 可拯救不少夜收工朋友! 墨丸, 一吃便愛上, 十分十分彈牙, 墨丸混入了調味, 雖沒有文輝墨丸咁清清的突顯墨丸原有的鮮墨魚香, 但也吃得到少少墨魚肉, 配上墨魚片, 又多一食! 河粉: 很滑溜, 很通透, 掛滿魚湯魚腐: 這是我最愛多年的魚腐丸子,超大大粒, 無可替代!!!!!!!!! 它不是實實的實心魚鮫, 中間通空, 恰好湯汁入侵魚腐, 佔據每一口魚腐, 也有濃濃奶白魚湯 ( 提示: 如愛加腩汁之人士, 這裏腩汁很油帶辣, 因為是沙嗲牛腩緣故, 看圖墨丸河較油, 還是原味更健康些)。$35價錢合理。 翠華的粉面, 也有好味的出品。