華香雞 (已結業)

中午出去食饭见到呢间专食鸡既”华香鸡”，望完餐牌都觉得几吸引于是就决定一试，用鸡黎做招牌菜就当然一定要试鸡，于是叫左个华香鸡拼茶香鸡，另外再叫左一个沙茶牛腩煲，两个餐都拣跟例汤。见佢应该系主打健康，个例汤饮落都唔觉有落味精几清甜。双拼鸡上菜一望都果然真健康，岩岩好都系鸡胸位置，低脂之选! 几欣赏佢姜蓉系自己打，唔会太重盐，食落唔会过咸几舒服。就咁睇表面2款鸡颜色就好似切鸡拼油鸡咁，而事实上华香鸡食落去味道都的确似系白切鸡，无乜惊喜。反而茶香鸡一入口好浓烈既烟熏茶香涌入鼻腔，就算鸡既部份系比较鞋，但香味有补救到，如果下次再食一定会叫茶香鸡就算。另外叫既沙茶牛腩煲一上菜滚住咁黎，沙茶味好香浓，个汁用黎送饭一流，牛筋煮得好淋好食，而牛腩就比较普通，可能唔够肥所以比较有咬口，如果有净牛筋叫就好。不过话晒呢间餐厅本身主打食鸡，咁就对牛腩唔会太高要求。