六和素食 (已結業)

值得一赞嘅素食~ 比起食开𠮶两三间贵一点点，质素相应亦高一点点，恰如其份。因为被安排窗边二人枱，坐得好舒服第一印象已经十分好~芝麻手撕鸡 - 正常水准啦，有碟芝麻酱点下，唔错~桂花如翅 - 炒得非常唔错。蛋碎，牙菜同素翅面再晒啲松子唔算咩特别，欣赏嘅系最唔喜欢嘅牙菜都炒到软硬适中唔会太生影响口感。笼仔荷叶蒸猴头菇 - 成个蒸笼上枱卖相讨好。有猴头菇，东菇，鲜淮山，云耳，配以红枣同杞子作点缀。调味稍浓合口味，猴头菇用上菇身最厚位置切片所以十分滑口；鲜淮山云耳够爽；东菇香而入味；纵使荷叶香味稍稍欠奉，仍然推介~牛油果天香卷 - 可口卷物橄榄海鲜薄饼 - 面层舖上嘅橄榄呀车厘茄呀素带子呀并唔系重点，作为调味嘅千岛酱同芝士亦不过系薄饼常用组合，最正系个饼底，有酥皮嘅松化而唔油腻，好食过连锁店嘅pizza, 推介之二~木瓜雪耳糖水 - 送嘅糖水都热辣辣够清甜，完美总结~头盘小食 - 加咗芝麻酱嘅车厘茄，成功开胃~