辛味屋

营业中

休息中

今日行过楼下， 见到有新食肆开张， 系一间日式咖哩店。 见门口有人排队,，一于唔执输， 试下新野。我也三个人等左阵就有位啦。呢间舖头嘅装修系日式cross-over西式，座位都舒服同宽敞。其实，宜家日式咖哩专门店都有唔少，不过价钱都偏贵，下下人均消费都超过一旧，坐低见到都几多野食，而且价钱亦算合理，我地三个人分别叫左三个咖哩饭，再加$12升级做套餐，可以系野饮、沙律、汤或者甜品入面任拣两样。我地就叫左两杯野饮，两碗汤同两杯雪糕一起share食。个沙律落左芝麻酱，入口清甜，杯咖啡都ok啦，食日本野都唔会expect佢d野饮好出众啦。主食我地分别叫左炸鸡块奄列咖哩饭，吉列猪扒奄列咖哩饭同鸡骨肠咖哩饭，咖哩汁入口仲系好热，甜甜地，唔会太辣，好好送饭，我地三条佬唔洗十分钟就食晒。炸鸡块同吉列猪扒都几大块，味道唔错，而奄列加埋咖哩再加埋饭简直系绝配，但鸡骨肠得两条，感觉就到喉唔到肺。最后，值得推介ge摆系台面ge渍物，白色好似蒜头甘都几好送口，我地食左好多。整体来讲，我觉得性价比相对高，食物质素同环境都几好，份量就只系岩岩好，所以我地几乎清晒。下次可以再encore。