爆丼丼 (已結業)

星期六晚市7点几嚟到爆丼丼, 餐厅接近满座, 人气非常旺。虽然呢度最出名系丼, 但除左丼之外仲有串烧, 寿司等其他选择, 不过见隔离台个饭份量都唔细, 我同朋友一人点一个就够晒啦。跟餐送面豉汤, +$5 可转汽水。呢个丼认真丼如其名, 成个饭满布三文鱼籽, 爆满程度系令你完全无从入手, 一舀落去三文鱼籽马上满到泻。鱼籽粒粒饱满, 食落微微偏咸, 配白饭唔加调味料都绝对无问题。丼中仲有拖罗蓉 、帆立贝、吞拿鱼、三文鱼, 够晒丰盛。安格斯肥牛油脂丰富, 融入饭中, 配上酱汁调味偏重, 但十分惹味。两大片厚切鹅肝, 极之肥美, 入口油香四溢, 食完已经再无空间叫其他嘢啦。