相馬日式火鍋 (已結業)

呢日去到荃湾谂住食火锅放题， 去到荃湾打开openrice搜寻下附近嘅餐厅有咩火锅放题食， 见到呢间除咗火锅放题之外仲有串烧和炸物， 餐厅设有卡位和半卡位， 餐枱上算阔落， 有自助嘅菜区，酱料区 ，杂丸区和饮品区， 仲有朱古力喷泉。美国特选牛肉+ 日本鹿儿岛顶级黑豚我哋拣咗个$268嘅套餐， 套餐系包特选牛肉和顶级黑豚肉， 牛肉和豚肉嘅油花都几均匀， 牛肉食落口几滑， 有牛味， 豚肉相比起牛肉切嘅厚度较厚， 食落口嘅质地软淋， 豚肉嘅油花好甘香。店员有主动问需不需要加肉。呢度嘅汤底都做得唔多， 我哋嗌咗个麻辣汤底和猪骨汤底， 麻辣汤底都几足料， 辣同麻嘅程度做得几均匀。杂丸+鸡肉自助式拿杂丸有个好处就系每样可以试一粒，钟意食可以再拿。鸡肉既质数都唔错，渌耐咗都唔鞋。串烧+炸物呢度嘅串烧做得几精致， 可以选择三款调味，同埋烧嘅功夫都做得唔错， 整体上都几好味， 我哋仲叫多咗一轮。由于我哋都食到几饱， 所以炸物我哋叫咗少少试下， 呢度嘅炸物会跟松露沙律酱， 几有诚意， 呢度嘅炸物系用咗天妇罗嘅脆浆。