燒味滷師 (大廈街)

营业中

休息中

今日去亲戚屋企食饭，去咗佢屋企楼下买斩料加𩠌。可能系收工时间，呢间烧味舖好多人排队，之前都试过去其他分店啲烧味，都好出色，所以排埋一份，买返少少烧味一齐去佢屋企度食。至尊烧鹅（上庄）一打开个盒，啲鹅嘅香味已经传出黎，鹅嘅肉质嫩滑，再点埋佢𠮶啲酸梅酱，咁嘅食法配搭真系天衣无缝。烧味佬叉烧叉烧半肥瘦，有好嘢唔怕一讲再讲，佢呢间啲叉烧汁系另外放开，食之前再倒落去，唔会搞到啲叉烧太咸。客家盐焗鸡啲盐焗鸡好入味，肉质好嫩滑，完全唔鞋口。泰式凤爪拼海蜇泰式凤爪好入味，而且系无骨，小朋友最爱，最遗憾嘅系海蜇有啲少买咗咁多嘢都系大约二百零蚊，都够八个人食，绝对抵食！