彩薈軒 (海之戀商場)

营业中

休息中

酒楼位于海之恋商场，喺荃湾西站一出就已经到。地点都非常方便，酒楼新式装修，而且望落应该似做婚宴。虽然商场好多嘢都仲未开，只有少量铺头已经开始营业，但系呢度下午饮茶亦都非常多人。酒楼够大坐得舒服，而且食物亦都几多选择。叫咗烧卖，大大粒新鲜整起，热辣辣，味道唔错；而且猪肉几香。另外仲叫咗虾饺，虾非常爽口，亦都系大大粒，食得出新鲜。味道都真系几好食。叫咗肠粉好大碟，黎到时候已经帮你洒上酱汁：有甜酱、辣酱、麻酱等，卖相几靓。小笼包亦都唔错，个皮够薄，入边仲有汤汁添。叫咗煎花枝饼，呢个我几钟意食，因为花枝够弹牙，而且煎得几香。金钱肚够厚肉，而且味道调得刚刚好，都好食。