燒烤堂

营业中

休息中

今日朋友同我庆祝生日拣咗个最钟意嘅串烧餐厅。呢间位于荃湾嘅烧烤堂非常之有日本feel！一入门就比酒柜吸引左。烧烤选择非常丰富，有各种肉类（唔同部位），新鲜海鲜同蔬菜等等。餐厅都好贴心，提供多种烧烤方法，例如:港/日/泰/韩/川/新疆式等，更有佢地餐厅自家口味。平时去食川式烧烤成日都系得孜然口味；呢到就可以满足到一次过试到唔同口味，唔会咁单一。😋我哋叫咗唔少嘅肉串，有唔少嘅特别部位例如牛舌心，鸡肾，鸡皮，鸡脚根，鸡肝，鸡心等，真系过足口瘾！ 当然其他肉类都好好味，明太子鸡腿肉，牛小排等全部都烤得非常之岩火候，啖啖肉，嫩滑又有肉脂香。另外一定要推介手工心机卷物，盐烧豚肉荔枝卷，盐烧豚肉露笋卷，好有惊喜，特别系荔枝卷， 估唔到口味会咁夹👍孜然豚肉韭菜卷，调味啱好唔会太浓！呢度嘅豚肉好好味，肉味浓郁，我地不停追加！佢嘅串烧仲有啲会配有鸡蛋去点，真系非常日式嘅做法！波板糖形状嘅豚肉卷同免治鸡肉棒真系好好味！另外海鲜方面，蚝同鱿鱼须都系我嘅心水推介。仲有蔬菜系列，真系大满足！再饮埋柚子同柠檬口味嘅梅酒，超级满足！