正宗山西刀削麵皇

营业中

休息中

佢算荃湾名食店之一，好彩避过米芝莲，唔系可能好似生煎包同佳佳咁被加租迫迁。新装修无耐，门店变得时尚木色, 店内有大吊灯，但卡位系怀旧硬胶粉蓝色，只可以讲，室内设计嘅嘢，识条铁咩?睇返openrice内嘅旧餐牌，五年间个面餐加咗$10，由三字头变四字头，比起其他区内街坊粉面店，算不上便宜。招牌刀削面，烟韧有咬口，慢慢食都唔会涨唔会淋哂，啱哂慢食主义者(预计康熙食家胡天兰应该会喜欢)。鼓油汤底够味，不会过咸，食完唔会口渴。水饺质感似荃湾另一名店民丰，饺皮烟韧，馅料调味丰富，但饺子卖相外形不一，有几粒扁挞挞。