大家姐 (已結業)

喂！「大家姐」等啦！佢不知不觉间已成为荃湾地标近呢年从新装修过，不过无论堂食定外卖都系用即弃餐具，好唔环保啰！今日尊登带定饭盒去买煎酿三宝，当我攞个餐盒俾男店员时佢有少少愕然，我谂真系好少客咁做，其实香港餐厅、外卖店同食客嘅环保意式都需要大大提升。不过该男员工好有礼貌。十蚊四件，叫咗鱼旦、矮瓜、红肠同韮菜角，件件都几有份量，而且唔似用万年油，唔会炸到黑麻麻，感觉比较健康，唔会滴油，都几难得。鱼旦足料密度高且弹牙，矮瓜多汁厚身、红肠脆皮、韮菜角馅料不多但炸得香脆，全部唔加鼓油都好够味。其实大家姐喺荃湾小食界价位算偏贵，路德围龙津同东京站普遍平啲，而且质素同服务都唔错，所以其实我比较少帮衬大家姐，但呢个三宝真系物有所值，值得encore之前都食过佢个串烧，个沙爹汁好好味，好多花生粒，$10~12一串，同样值得推介。