韓食

营业中

休息中

人参鸡汤朋友试咗人参鸡汤，汤底煲得非常入味。鸡肉煮得非常嫩滑，淋到连骨都溶埋，鸡肉肉质鲜美，搭配人参散发出嘅香气，令人感受到浓厚嘅滋补感。汤中仲有滋补嘅红枣，增加咗一啲甘甜，更加提升咗整碗汤嘅层次感。饮落感觉好暖心，特别适合天气转凉嘅时候。芝士薯仔煎饼呢款小食真系好有惊喜！煎饼金黄香脆，薯仔同芝士融合得非常好，咬落去有浓浓嘅芝士流出，味道香浓，口感丰满。每一口都令人感到满足，无论系作为前菜定系主菜都非常合适，真系食到停唔到口炒码面成碗面都铺满咗大量嘅海鲜，有青口、虾仁、带子同埋海量嘅蔬菜，麻辣汤底红红得黎好吸引。汤味鲜香，辣味适中，唔会过于刺激，反而令整碗面更加开胃。里面既海鲜好新鲜，配搭上弹牙嘅面条，真系冇得顶辣炒猪肉紫菜包饭卷最后试咗辣炒猪肉紫菜包饭卷，紫菜包住嘅米饭同炒猪肉，味道香辣，猪肉炒得恰到好处，唔油腻。每一口都有猪肉嘅香味，再加上新鲜嘅蔬菜，口感清新。紫菜嘅咸香同米饭嘅柔软完美结合，真系好好味！整体嚟讲，呢间韩式料理店嘅食物质素非常高，老板娘都系韩国人，所以无论系口味、质感都令人满意。环境舒适，服务亦都好好，下次有机会都一定会再嚟