泰Grill (享和街)

位于荃湾广场附近新开嘅泰国餐厅，之前系海南鸡鸡煲店，依家重新装修变成泰国餐厅。晚市入到去已经好热闹，建议大家去之前先book定位。🍤蛋包虎虾炒金边粉 $128两只虎虾炸到好香口，个蛋网包住金边粉，令个卖相生色不少。入面啲金边粉甜甜地又辣辣地，口感烟靭。🥗猪颈肉酸辣沙律 $78睇错咗以为呢个系猪颈肉青木瓜沙律，虽然冇青木瓜不过都好好食，个沙律以猪颈肉、洋葱、青瓜🥒所制成，酸酸甜甜好开胃。最重要系啲猪颈肉切到薄薄地，外层焦香，肉质鲜嫩。🥖蒜蓉包（五块） $35突然想食蒜蓉包，喺冇点咖喱嘅情况下，就咁食已经好够味，包面上有劲多蒜蓉。🥓猪颈肉（一份） $78一份嘅份量真系几多，而且每一块都切得好均匀，外层焦香，内层又口感软嫩，就咁食已经好好味，点埋个酱汁就咁惹味。整体而言：食物款款都味道好正宗，上菜速度快。今日带埋👶🏻一齐去食，餐厅都好细心提供埋BB凳，而且BB搞搞震𠮶阵🤣，餐厅职员留意到枱面倒泻水，即刻递上纸巾，感觉好窝心💙。值得再来。