老馮茶居 (荃灣千色匯II)

之前去元朗总店已经想帮衬，但大排长龙。今日经过荃湾分店有位，一于支持吓。第一轮先叫5款蟹子烧卖皇（$28），大粒，猪肉虾肉都好弹牙，好味道。另外辣油都唔错。金牌炸芋角（$18），外层松脆，里面芋蓉有肉碎，味道很好。虽然系热的，但食得出系炸完一段时间，因为有回油嘅味道，可惜（唔系即炸，因为落单后唔使一分钟就上枱）。如果系即炸，一定好味好多。老冯流沙芋泥包（$20），热辣辣（小心辣咀），流沙芋泥超香浓，甜味适中，好味道。古法千层糕（$26），松软，中间有蛋黄、奶皇、椰丝，味道可以。八珍糯米鸡（$28），大只，馅料有鸡翼、腊肠、蛋黄、肉碎，糯米唔会湿淋淋，味道可以。食完再加单叫多4款鲜虾腐皮卷（$26），外层腐皮坚食到腐皮味，内里虾胶虾肉弹牙，但又系可惜比较油。葱花虾米肠（$20），滑，劲多葱，虾米亦不少，好味道。豉汁蒸凤爪（$23），味道正常，另外有2旧索哂豉汁味嘅面筋。正宗潮州粉果（$20），味道可以，但馅料得沙葛、花生、肉碎，可惜韭菜较少同无咗虾米，系差咗丁丁。PS：$5@茶钱，免加一。