金坊泰國美食

营业中

休息中

两个人去到荃湾都唔知食啲乜嘢好，突然之间好想食泰国嘢，见到依间好似唔错就入去试吓。见到个Menu真系好多选择，跟住俾我哋见到晚市有二人餐，就即刻叫黎试下。金坊柚子沙律，个份量都唔细，啲料都好多，仲有少少辣辣地酸酸哋，真系几开胃。炸虾饼，呢个真系即叫即炸，入边都唔少虾，一嚟到脆卜卜香喷喷，放入口热辣辣，真系好正！再点埋个甜酸酱，真系一流。烧鱿鱼，依个又系即叫即烧，食落去真系唔错，鱿鱼唔会烧到好硬，个酱又酸酸地，食落去好开胃，送酒一流。炒鲜虾金边粉，个色水好靓，个味道又好香，虾都唔少，加埋青柠捞埋花生，成件事好有系泰国嘅感觉。马拉盏炒芥兰，马拉盏味好够，大大碟，劲多菜，佢都唔算太油，所以成件事食落去好舒服。最后见到啤酒有半价，两个人叫咗两支大嘅嚟饮吓，放工饮酒吹吓水，食住正宗泰国嘢，真系好爽。