影片
更多
2019-03-28
2694 浏览
真系唔去过都唔知，原来荃湾广场附近开左一间，早两日过去享和街换胎，顺便𠮶边揾野食先发现有间日式餐厅，以为系拉面店，入到去睇餐牌先知原来只系卖沾面！6:00pm 去到，可能比较早人流唔太多，餐厅简洁，非常日式小店感觉，座位主要以4 人台为主，店铺入面散发著阵阵酱油味道！落单也非常简单，全店只卖3 款沾面，几款饮品，圈好交俾侍应佢哋会清洁返重用，非常环保呢一贯日式餐厅开放式厨房，可以清楚睇到厨师制作沾面时的情况，仲可以睇到厨房几咁干净，增加我对佢哋食物质量既信心！趁师傅埋头苦干整面既时间，睇下贴喺墙身既小知识，因为各处乡村各处例，为左达到最好既味道，可能每间沾面店都有自家食法！如果有呢d知讯，我通常都会趁机睇下！话都无咁快我叫既黑蒜油沾面就送到嚟，份量比一般既拉面大，2 大片叉烧，个汤蒜香味十足，非常浓烈既酱油味道！已经令我食指大动！我先试一啖汤，汤汁'杰'身，胶质非常重，除了淡淡既猪骨味外，仲有麻油及黑蒜味，而且仲有大量葱花，另到味道非常惹味，简单d嚟讲都几重口味，建议食开浓味既朋友可以食下！烟轫既面条本来平平无奇，加入沾面汁后就变得更爽滑，本来重口味既汤黏上面条后变得更易入口，蒜香满满
6:00pm 去到，可能比较早人流唔太多，餐厅简洁，非常日式小店感觉，座位主要以4 人台为主，店铺入面散发著阵阵酱油味道！
落单也非常简单，全店只卖3 款沾面，几款饮品，圈好交俾侍应佢哋会清洁返重用，非常环保呢
一贯日式餐厅开放式厨房，可以清楚睇到厨师制作沾面时的情况，仲可以睇到厨房几咁干净，增加我对佢哋食物质量既信心！
趁师傅埋头苦干整面既时间，睇下贴喺墙身既小知识，因为各处乡村各处例，为左达到最好既味道，可能每间沾面店都有自家食法！如果有呢d知讯，我通常都会趁机睇下！
话都无咁快我叫既黑蒜油沾面就送到嚟，份量比一般既拉面大，2 大片叉烧，个汤蒜香味十足，非常浓烈既酱油味道！已经令我食指大动！
我先试一啖汤，汤汁'杰'身，胶质非常重，除了淡淡既猪骨味外，仲有麻油及黑蒜味，而且仲有大量葱花，另到味道非常惹味，简单d嚟讲都几重口味，建议食开浓味既朋友可以食下！
烟轫既面条本来平平无奇，加入沾面汁后就变得更爽滑，本来重口味既汤黏上面条后变得更易入口，蒜香满满！
除左用嚟浸面外，用嚟浸叉烧都系一绝，葱花将叉烧味道增次升级，叉烧瞬间将汤汁索左入肉里面，除软稔外仲多左阵葱油香！第一次食到日式叉烧有呢个味道，又几得意！
最后真系第一次食到带葱油味既温泉蛋！ 师傅一早将嫩滑既温泉蛋加入沾面汤汁入面！
一咬开，流心既温泉蛋汁即时流晒出嚟！ 生熟程度做得十分好，加少少汤汁落去食，仲多左阵葱蒜味，相信好多人都未试过咁食温泉蛋，又系惊喜之值得推介！
张贴
