燒烤堂

营业中

休息中

荃湾又有新串烧店，仲要系中环烧烤堂嘅分店！荃湾店好大，都几多位，同埋好宽敞，好啱几个朋友吹水饮酒🍻！全日仲做紧啤酒买一送一超抵！基本食过嘅所有嘢都好味，冇伏！鹅肝多士 - 煎得好香软，有流心入口即溶嘅感觉！蒜蓉烧生蚝- 推介！烧完仲好大只，🦪鲜甜多汁冇腥味，蒜蓉好惹味！烧白鳝- 肉质新鲜，好弹口🤤烧鸡心鸡肝- 最爱嘅内脏！大大粒，烧得啱啱好唔会干身。免治鸡肉棒-调味几好，唔会过甜同咸，有咬感，配上蛋汁👍其余嘅嘢食都好好，蔬菜类🥗淮山莴笋唔会好干身，饭团都好好味！其实串烧，除咗食材要好之外，师傅嘅手势都好重要，平均所有嘢都烧得啱啱好，咁样先保留到食材嘅鲜味同串烧嘅香味😎