越味皇 (已結業)

好耐冇同家人食饭，今次系荃湾食越南菜，选择多价钱合理，再1人，2人，4人餐。我地避免选择困难，所以拣左4人餐。越式柚子鲜虾沙律，有4只炸虾，都好香口肉质弹牙，如果系用水煮熟，味道更夹沙律，有大量多果汁的柚子，酸度刚好，很清爽消腻。牛油果软壳蟹卷，牛油果完熟好香，味道劲夹肥美饱满的软壳蟹，加埋爽脆青瓜同弹牙米粉，用薄薄米纸卷起食，口感丰富。越味皇炸春卷，金黄色，炸得超脆。用生菜包著食，感觉冇哂油。春卷馅料丰富，好多粉丝、木耳丝、甘笋丝……味道不会过重，沾酸甜汁食更美味。越式鸡翼带点港式风味，有葱油及炸蒜，极为惹味带香，仲有点香料味，如果套餐可以加钱转牛油鸡翼更完美。由于粉皮售罄，所以转左做网炸虾烧，估唔到咁好味，个网炸的超松脆，入口即化的口感很独特，虾卷细细件，食完岩岩好。主菜可选2款，越式烧鸡有半只，都系腌过再炸香，鸡肉更扎实，但都有肉汁，较重香料味。越式咖啡牛腩煲，虽然好细份，但牛腩量都几多，煮得肉质松化易咬，牛味浓郁，带咖啡香料味，配饭或多士都好夹，最欣赏个咖哩浓调度刚好，包住每件牛腩。菠萝猪颈肉炒饭，也是份量较细，但整个套餐都丰富，所以最后大家都好饱。菠萝偏少，猪颈肉反而几多，