立鮨 (安富大廈) (已結業)

以为立鮨只有企位，但原来荃湾路得围呢间系唔使立，仲要餐厅最入位置有2人枱，但当然bar枱望住师傅整野就最有feel。平日既夜晚7点半左右唔系太多人，唔使等就有位餐厅可以qr code落单， 非常方便，职员都好有礼。寿司系日本直送，新鲜，价钱唔贵，性价比超高。以下系必食推介。吞拿鱼脑天寿司 $48个人认为必食既系吞拿鱼脑天寿司！脑天即系吞拿鱼头顶的肉，一条吞拿鱼得两块，入口即溶！对比拖罗反而无咁多根，鱼味浓。好多餐厅都未必食到。😂火炙大吞拿鱼腩海苔寿司 $50油脂丰富，唔使点鼓油食，紫菜包住中和拖罗既油，入口软滑，鱼味浓，食一件已经好饱。大吞拿鱼鲛寿司（kama toro）$68慰劳下自己拣左只最贵既拖罗，油脂甘香，回味无穷，好好食。萤光鱿鱼军舰$38 萤光鱿鱼爽脆，浓淡恰到好处。入口凉凉地，口感顺滑，推介一选。其他仲有性价比一流既寿司，三文鱼 牛油果 蟹棒 北寄贝 等等都好扺食。